Натаму првиот човек на Босилово истакнува во објавата: По сите индикации, намерно предизвикан пожар денес ќе направеше катастрофа во Иловица. Благодарение на брзата реакција на голем број граѓани, противпожарната служба и МВР, пожарот е изгаснат.
Изгорена е поголема површина на сува трева и грмушки. Пожарот беше само на стотина метри од првите куќи и среќа во несреќа е што ветерот дуваше во спротивен правец од селото.
Местото каде е подметнат пожарот е утврдено, гранките се сечени со секира, најдена е запалка, итн. Многу индикации за намерно предизвикување на пожар.
Не можам да сфатам како сеуште има луѓе кои не ја разбираат опасноста од пожарите и подметнување пожари без грижа на совест, пишува на фејсбук Ристо Манчев.