Рамадани: Не ја давам општина Брвеница по ниедна цена, ќе го заштитам секој нејзин жител?!

Се наметнува голема дилема: кому Хаќим Рамадани „нема да му ја даде општина Брвеница по ниедна цена“, од кого и за кого „ќе го заштител секој нејзин жител“?! Каква „лошотија“, или „опасност“, наводно, им се „заканува“ на жителите на Брвеница, па да морало ете, токму тој да ги „заштитува“?! Во својата објава на фејсбук Хаќим Рамадани се обидува да се „покрие“, па „великодушно“ се нуди дека ќе ги „заштитува“ не само Албанците, туку и „Македонците и други народи, што живеат во општина Брвеница“. Но, етничката интонација на оваа порака преку општествената мрежа, земајќи ги предвид и другите негови изјави во изминативе денови, многу јасно одразува што сака попрво да каже тој. Рамадани веќе порача најотворено дека „треба да се знае кој е газда на својата земја“!

26. октомври 2025. — 20:35 2 минути за читање

„Не ја давам општината по ниедна цена, ќе го заштитам секој нејзин жител! Честа, моралот и достоинството вредат повеќе од која било јавна позиција.“ – напиша вечерва на својот фејсбук-профил Хаќим Рамадани, кандидатот на Вреди за претседател на општина Брвеница, откако Христијан Мицкоски, претседател на Владата на Република Македонија и лидер на ВМРО ДПМНЕ директор на Државниот инспекторат за локална самоуправа, најави дека Рамадани ќе биде разрешен по изборите од функцијата, која ја извршува моментно – директор на државниот инспектоат за локална самоуправа. Повиците за етничко гласање на Албанците на Рамадани Мицкоски го означи како „себичен потег, кој им штети на другите кандидати на Вреди.“

Кандидатот на Коалицијата Вреди за градоначалник на Брвеница Хаќим Рамадани изминативе неколку дена беше во Хамбург, Германија, но и во Швајцарија, во Цирих, каде што заедно со својот противкандидат од ДУИ Енвер Пајазити побараа гласови за „Албанците да победеле на локалните избори во Македонија“. Ова објави Рамадани веќе го напиша на својот профил на фејсбук. Тој потврдува дека соработува со ДУИ со цел да се победи кандидатот на ВМРО-ДПМНЕ и актуелен градоначалник Јовица Илиевски. Рамадани нагласува дека „треба да се знае кој е газда на својата земја“ и оти „Албанец мора да ги води општините како што се Кичево, Брвеница, Тетово и секаде каде што се Албанците мнозинство.“

Вечерва, на 26 октомври, Рамадани преку фејсбук дополнително им се обрати на Албанците, жители на Брвеница, кои живеат и работат во Австрија, „сите масовно да се мобилизираат во овие решавачки денови, за да биде убедлива и сеопфатна победата во ноември“.

Вчера тој ги извести преку општествената мрежа Албанците од селата од општина Брвеница, кои живеат и работат во Норвешка, дека за денес вечерва во 18 часот се организира патување, заради гласањето на 2 ноември. „Се организира масовна мобилизација на албанската дијаспора, бидејќи без нејзиното гласање општина Брвеница ниту може да се освои, ниту да се задржи. Брвеница треба да се врати во рацете на мнозинството, кое живее и работи таму.“ – изнесе Рамадани на фејсбук.

Во изминатите два дена тој и објавуваше своите обраќања директно од Хамбург, од Германија, и од Цирих, од Швајцарија, каде што престојуваше, заради директно повикување и организирање на албанската дијаспора да дојде во Македонија, во општина Брвеница, и да гласа за него како кандидат за градоначалник.

Поврзани теми:

Најнови вести од: Македонија

Македонските домаќинства спаднаа на три члена

Според податоците од Пописот 2021, просечниот број на членови по домаќинство изнесува 3.07, а над една четвртина од домакинствата се со 2 члена

пред 26 мин.

Уште 10 дена за аплицирање за студентски ваучери

Досега се доделени вкупно 42.606 ваучери, од кои се искористени 27.426

пред 58 мин.

Таравари: Поддршка за лидерите на УЧК на кои им се суди во Хаг

Ги повикува сите Албанци масовно да се приклучат на протестот што ќе се одржи на 13 декември, на плоштадот „Скендербег“ во Скопјe

пред 2 часа

Претседателката одликуваше американски генерал кој 3 децении работи на зајакнување на АРМ

Државната награда не е само израз на благодарност за неговата неуморна и вредна работа, туку и на нашата почит кон вредностите коишто тој ги персонифицира

пред 11 часа

Петрушевски: Владата нема да прифати ниеден илегален мигрант, ниту постои план за изградба на шатори, кампови или центри

„Идеолошка профилација на ВМРО-ДПМНЕ како политичка партија е дека апсолутно сме за борба против илегалната миграција, а не за либерализација на мигрантите, нешто што било својствено за одредени политички партии. Ние апсолутно немаме никаква намера да прифатиме никакви илегални мигранти. Апсолутно е лага дека ќе се градат било какви шатори, кампови, центри. Ова прашање е регулирано и во Договорот за стратегиско партнерство со Велика Британија.“ – нагласи пратеникот од ВМРО ДПМНЕ Бране Петрушевски во вечерашното гостување во емисијата „Топ тема“ на ТВ Телма.

пред 12 часа

Од следната година летови од Бодрум до Скопје и Сараево

Од следната година, според пишувањата на порталот „Екс ју авиејшн“, би требало да стартуваат сезонските линии од Бордум до Скопје и Сараево со нискобуџетската авиокомпанја „Изиџет“.

пред 14 часа