Македонија

Ристовски: Охрид заслужува и ќе добие затворен базен

Инвестиција во иднината на спортот во Охрид и во државата

По речиси единаесет години застој, затворениот базен во Охрид конечно ќе биде завршен и пуштен во употреба. Ова го соопшти министерот за спорт Борко Ристовски, информирајќи дека Владата на денешната седница ја усвоила точката со која се овозможува продолжување и конечно завршување на изградбата на овој спортски објект.

За целосно довршување на базенот обезбедени се 470 милиони денари.

Министерот нагласи дека проектот претставува значајна инвестиција во младите, спортистите и развојот на пливањето, како и во иднината на спортот во Охрид и во целата држава.

Со пуштањето во функција на базенот, спортистите ќе добијат современи услови за тренинг, младите категории ќе имаат простор за развој, а градот ќе создаде услови за организирање натпревари и понатамошен спортски напредок.

„Не сакаме капитални спортски објекти да стојат со години и да чекаат. Сакам да ги гледаме завршени и ставени во функција“, истакна Ристовски.

Тој изрази благодарност до премиерот Христијан Мицкоски и до Владата за поддршката и определбата за инвестирање во спортот и спортската инфраструктура.

„Охрид заслужува затворен базен. Охрид ќе го добие“, порача министерот.

Најнови вести од: Македонија

(Видео): Вози како да е нормално во спротивна насока среде Партизанска – автомобилот и покрај се продолжува да вози

На видеото се гледа како возачот ја намалува брзината додека се разминува со два автомобили, а потоа повторно забрзува. Се очекува МВР да соопшти дали прекршокот е регистриран преку „Безбеден град“.

Од пад од 5% до раст од 5,2% – СДСМ да ги погледне статистичките податоци за платите, велат од ВМРО-ДПМНЕ

ВМРО-ДПМНЕ се повика на податоците на ДЗС според кои просечната нето-плата во септември изнесувала 49.141 денар, со номинален годишен раст од 8,1 отсто и реален раст од 5,2 отсто. Во септември 2022 година реалната нето-плата бележела пад од пет проценти.

Охриѓани со порака: Насилството не е проблем на една личност, тоа е заеднички проблем

Љупчo Ѓорѓиески, таткото на 26-годишна Сара Ѓорѓиеска која нејзиното момче Кристијан Корабоски на 15 ноември ја претепа до бесознание и ја остави на улица во Охрид, денеска со нејзина фотографија на која ѝ се гледаат модрици по лицето се приклучи на охридскиот протест против насилството врз жените и фемицид.

(Видео): Избрана трасата за експресниот пат Кочани-Виница-Делчево, камен-темелникот в година, рече премиерот

По јавната расправа е избрана една од двете разгледани варијанти и дека апликацијата за проектот е веќе поднесена пред меѓународните финансиски институции.

To top