Македонија

Седница на собраниската Комисија за надзор над работата на АНБ и АР

Претседателот на Собранието, Африм Гаши, за денеска во 11 часот закажа седница на Комисијата за надзор над работата на Агенцијата за национална безбедност (АНБ) и Агенцијата за разузнавање, поради сомнежите за незаконско прислушување од страна на АНБ во периодот од 2019 до 2024 година.

Претседателот на Собранието, Африм Гаши, за денеска во 11 часот закажа седница на Комисијата за надзор над работата на Агенцијата за национална безбедност (АНБ) и Агенцијата за разузнавање, поради сомнежите за незаконско прислушување од страна на АНБ во периодот од 2019 до 2024 година.

Според информациите од собраниската прес-служба од вчера, седницата ќе ја води пратеничката од СДСМ, Славјанка Петровска.

Ова доаѓа по повикот на пратеникот Љупчо Пренџов, член на Комисијата за надзор над АНБ и АР, упатен до претседателот на Комисијата, Скендер Реџепи од Европскиот фронт, за свикување итна седница. Реџепи, пак, изјави дека додека е претседател и дискриминиран, нема да закаже таква седница.

– Целта е на седницата да се разгледаат загрижувачките сомнежи за незаконско постапување во АНБ, односно, да утврдиме точен датум за официјална посета во Агенцијата за национална безбедност преку која ќе извршиме директен увид во состојбите и темелно испитување на сите околности поврзани со овие настани, изјави Пренџов.

Пренџов нагласи дека овие настани предизвикале голема вознемиреност кај јавноста и, како што рече, ја поткопуваат демократијата и довербата во институциите одговорни за националната безбедност.

– Токму затоа, обврска на Комисијата е да делува одговорно и транспарентно, со цел да се обезбеди отчетност на институциите и заштита на нивниот интегритет и демократијата во државата, појасни Пренџов.

Реџепи, од друга страна, истакна дека не може да присуствува на седница каде се разгледуваат класифицирани информации бидејќи сè уште нема добиено одговор на барањето за безбедносен сертификат, поднесено во ноември или декември минатата година.

– Која би била логиката, председателот на Комисијата да не може да присуствува на една таква Комисија или таков претрес во службите. Пред една година имам поднесено барање за безбедносен сертификат. Сметам дека тоа е дискриминација, истакна Реџепи.

Тој додаде дека претседателот на Собранието има овластување да свика седница на Комисијата.

Најнови вести од: Македонија

Тежок удар за Ахмети и ДУИ: оставка на Насер Халити од раководната позиција во огранокот во Петровец, ги обвинува дека станале „роднинска структура“!

Медиумите на албански јазик во Македонија ја нагласуваат во прв ред жестоката критика на партискиот ветеран уште од почетоците на основањето и дејствувањето на ДУИ Халити, сега веќе дел на Демократското движење и на Вреди, дека неговиот досегашен шеф Али Ахмети и неговите истомисленици ги „подготвуваат своите деца да ја преземат власта во партијата, која нема повеќе никаква врска со првичните идеали“!

Продолжува судењето против поранешниот директор на Онкологија

Денеска во Основниот кривичен суд Скопје треба да продолжи судскиот процес против четворица онколози, вклучително и поранешниот директор на Клиниката за онкологија, Нино Васев, обвинети за несовесно лекување на пациенти.

ВРЕДИ: ДУИ се нервозни затоа што Изет Меџити ги искорени од Изборна единица 1!

ДУИ и вистината се разделија одамна, но повеќе од сè, ги изгоре моментот кога Изет Меџити ги искорени Блерим Беџети, Артан „нон грата“ Груби и Бујар Османи заедно со целата нивна придружба од Изборната единица број 1.

(Фото галерија): „Вардариште“ како гасна централа – Што всушност дишат скопјани?!

Главоболка, печење на очите и грлото стана секојдневие, се жалат скопјани. Жителите кои живеат во близина на депонијата „Вардариште“ алармираат дека ноќе се приморани да бидат во затворени дома, но смрдеата навлегува и внатре во собите. Лекарите велат се е бадијала.

To top