Познатиот фудбалер Мергим Дани реагираше остро на социјалните мрежи откако излегоа во публичноста скандалозни аудио снимки, во кои тој тврди дека Фатмир Дехари фрлил тешки навреди кон неговата сестра. Во пораката, тој инсистира дека ова не е политички инцидент, туку прашање на семејна чест и морални вредности.
-Иако на спортистите не им прилега да пишуваат за политика, ова е мојата прва објава. Но ова повеќе не е политичко прашање, туку семејно и морално прашање. А кога се навредува семејството, секако дека нема да седиме со скрстени раце, напиша тој.
Во продолжение, тој истакнува дека неговото семејство има значајна улога во историјата и прогресот на државата, и дека таквите омаловажувања се недозволени од било кого.
-Семејството Дани е дел од историјата и придонесот во оваа земја и не може да биде понижувано со навредливи зборови од никого, а уште помалку од некој како тебе. Фатмир Дехари, со зборовите што ги употреби, од денес избра да станеш непријател на моето семејство, порача фудбалерот.