Македонија

Секој четврти граѓанин на Македонија верува дека таа никогаш нема да влезе во ЕУ

Македонскиот евроскептицизам го „шие“ тој во регионот, кадешто 17 отсто граѓани не очекуваат прием на нивната земја во Унијата

2 минути за читање

Четвртина од граѓаните на Македонија или точно 25 проценти веруваат дека земјата никогаш нема да стане членка на Европската унија, покажуваат резултатите од најновото истражување „Балкански барометар 2025“ на Советот за регионална соработка (RCC).

Според ова истражување, 21 процент од испитаниците во земјата очекуваат членство во ЕУ до 2035 година, 11 отсто до 2040 година, а 15 отсто се пооптимистични и веруваат дека тоа ќе се случи до 2030 година. За 11 проценти, членството ќе се случи по 2040 година, а 13 отсто не знаат или не дале одговор.

И покрај скептицизмот за членството, поддршката останува висока поради економските очекувања – на ниво на Западен Балкан таа се зголеми на 64 проценти, во споредба со 54 отсто во 2024 година. Највисока поддршка е регистрирана во Албанија од 86 проценти и во Косово од 78 отсто.

Општо земено, во регионот бројот на оние кои мислат дека проширувањето „никогаш нема да се случи“ се намалува (од 18 на 17 проценти), а оптимизмот дека ова би можело да се случи до 2030 или 2035 година се зголемува.

Главните прашања што ги загрижуваат граѓаните во 2025 година остануваат цените и инфлацијата (66 проценти), општата економска состојба (44 проценти) и корупцијата (35 проценти).

Недовербата поради историски прашања (38 проценти) и националистичката политика (37 проценти) се идентификувани како главни пречки за регионална соработка.

 

Поврзани теми:

Македонија|истражување|Европска унија|„Балкански барометар 2025“|Совет за регионална соработка

Повеќе на оваа тема:

Најнови вести од: Македонија

Манасиевски: ССМ и „синдикалецот на батерии“ Трендафилов одбиле 40% зголемување на платите во следните 2 години на штета на работниците!

„Синдикалецот на батерии“ Слободан Трендафилов со плата 3-4 пати поголема од минималната која ја добива благодарејќи на работниците кои членуваат во неговите синдикати, им го сврте грбот и не прифати зголемување на платите во администрацијата за 40% во следните 2 години. Слободан Трендафилов кој е многу гласен кога СДС е во опозиција, а тивок кога тие беа на власт, го одбил предлогот на Владата предводена од ВМРО-ДПМНЕ за зголемување на платите на административните службеници за 40% во следните две години. Зошто? Само затоа што не сакал да го потпише новиот колективен договор. – реагираше Валентин Манасиевски од ВМРО ДПМНЕ.

„МКД.мк:“ ЕУ и ОН замрзнаа финансирање проект на Косово, што му оддава „чест“ на албанскиот нацистички соработник Џафер Дева!

„Поранешниот дом на Џафер Дева, министер за внатрешни работи во колаборационистичката влада на Албанија, требаше да биде претворен во културен центар, пишува ЏТА. Но, по бурните реакции во јавноста, Европската Унија и Обединетите нации го замрзнаа финансирањето за проект што требаше да му оддаде ‘почит’ на албанскиот нацистички соработник во Косово Џафер Дева, кој бил министер за внатрешни работи во колаборационистичката влада на Албанија во 1944 година. Дел од неговите должности било регрутирањето косовски Албанци во единици на Вафен-СС, елитната нацистичка формација поврзана со многубројни злосторства, меѓу другите и против Евреи и Срби.“ – пишува информативниот портал „МКД.мк“.

Оваа сабота едукативно со „Реплек“ и Елена Бубало: Совети за правилно вежбање

Во рамките на РЕсет платформата за добросостојба на „Реплек“, под мотото „За мое добро“, ќе се организира уште еден настан посветен на постигнување на добросостојба преку физичка активност

Министерот Андоновски најавува прва Стратегија за развој на медиумите во Македонија

Министерот за дигитална трансформација, Стефан Андоновски, во гостувањето во емисијата „За или против“ на Телевизија Алфа, истакна дека Владата постигнала значаен напредок со официјалното препознавање на онлајн медиумите и интернет-порталите во Законот за медиуми.
Сите вести од Македонија

Најнови вести

To top