Македонија

Шестотини тони мазут недостигаат од државните резерви

Државниот завод за ревизија утврди сериозни пропусти во работењето на Агенцијата за задолжителни нафтени резерви, меѓу кои и тоа што Министерството за одбрана повеќе од осум години не го вратило заемот од 600 тони мазут, со што се намалени државните резерви на овој стратегиски енергент.

Според ревизорскиот извештај, Агенцијата не доставила предлог-одлуки за количината и структурата на задолжителните нафтени резерви до надлежното министерство за 2022, 2023, 2024 и 2025 година, поради што Владата не ги донела потребните одлуки. Ревизорите дале мислење без резерва за финансиските извештаи за 2024 година, но мислење со резерва за усогласеноста со законската регулатива, упатствата и воспоставените политики.

Во извештајот се наведува дека во 2017 година, со владина одлука, тогашната Дирекција за задолжителни резерви на нафта и нафтени деривати му позајмила на Министерството за одбрана 600.000 килограми мазут за непречено функционирање на Армијата, со обврска количините да бидат вратени до крајот на истата година. Сепак, мазутот не е вратен ниту во текот на 2025 година, поради што Агенцијата евидентира побарување од Министерството во износ од 16,7 милиони денари, односно околу 271.000 евра.

Ревизорите посочуваат дека и покрај обидите на Агенцијата низ годините да се реши проблемот, позајмените количини сè уште не се вратени. Поради тоа препорачуваат Владата, Министерството за одбрана и Агенцијата да преземат мерки за надминување на состојбата и обезбедување на потребното ниво на државните резерви.

Во ревизијата се констатирани и неправилности при исплатата на плати и прекувремена работа. Евиденцијата за прекувремените часови не е целосна за сите вработени, а платите и надоместоците биле исплаќани врз основа на бодови повисоки од оние утврдени со Законот за административни службеници.

Најнови вести од: Македонија

(Видео): Вози како да е нормално во спротивна насока среде Партизанска – автомобилот и покрај се продолжува да вози

На видеото се гледа како возачот ја намалува брзината додека се разминува со два автомобили, а потоа повторно забрзува. Се очекува МВР да соопшти дали прекршокот е регистриран преку „Безбеден град“.

Од пад од 5% до раст од 5,2% – СДСМ да ги погледне статистичките податоци за платите, велат од ВМРО-ДПМНЕ

ВМРО-ДПМНЕ се повика на податоците на ДЗС според кои просечната нето-плата во септември изнесувала 49.141 денар, со номинален годишен раст од 8,1 отсто и реален раст од 5,2 отсто. Во септември 2022 година реалната нето-плата бележела пад од пет проценти.

Охриѓани со порака: Насилството не е проблем на една личност, тоа е заеднички проблем

Љупчo Ѓорѓиески, таткото на 26-годишна Сара Ѓорѓиеска која нејзиното момче Кристијан Корабоски на 15 ноември ја претепа до бесознание и ја остави на улица во Охрид, денеска со нејзина фотографија на која ѝ се гледаат модрици по лицето се приклучи на охридскиот протест против насилството врз жените и фемицид.

(Видео): Избрана трасата за експресниот пат Кочани-Виница-Делчево, камен-темелникот в година, рече премиерот

По јавната расправа е избрана една од двете разгледани варијанти и дека апликацијата за проектот е веќе поднесена пред меѓународните финансиски институции.

To top