Македонија

Со василичарско оро и палење на маските заврши Вевчанскиот карневал

Традиција со векови

2 минути за читање

Со традиционалното василичарско оро на сред село и палење на маските во центарот на Вевчани, заврши годинашното издание на Вевчанскиот карневал.

Преку хумор и сатира неуморните вевчанци на креативен начин попладнево, симболично го избркаа злото и прочистени со желба за здравје и бериќет ја дочекаа Новата година, по Јулијанскиот календар. Василичарите од рано утрово ги посетија семејствата, чии членови го носат името Свети Василиј.

Вевчанци, според традицијата од утре ќе почнат да размислуваат во што ќе се маскираат идната година.

Во фокусот и на годинашното карневалско издание беа актуелните состојби во земјава и светот. Мигрантски кампови во земјава, политичката состојба во државата, инвестициите во Дубаи, запирањето на нафта и пари од САД за Куба…

Видео: По Трамп, виртуелната министерка на Албанија заврши на карневалското дефиле во Вевчани

Креативните вевчанци на сатиричен начин ја претставија виртуелната министерка во албанската влада, а не ги заборавија ниту претседателите на Русија, Владимир Путин и на САД, Доналд Трамп. Големо внимание привлече групната маска во кампањата за локалните избори на кумановскиот градоначалник Максим Димитриевски, како и кампањата на движењето ЗНАМ. Во Вевчани „дојде“ и „Шареното племе“ од Африка да го избрка злото.

Вевчанскиот карневал, со традиција од околу 15 века, симболизира два паралелни света, едниот му припаѓа на пагнаството, а другиот на христијанството. Со манифестацијата се одбележува христијанскиот празник Св. Василиј Велики или доаѓањето на Новата година по стариот, Јулијанскиот календар.

Поврзани теми:

актуелни|Вевчани|Вевчански карневал 2026|маски

Повеќе на оваа тема:

Најнови вести од: Македонија

ВМРО ДПМНЕ: Филипче, чуварот на криминалите на Заев и специјалниот пратеник на Радев во Македонија, е супер упорен да одработи предавство во полза на Бугарија!

Со внимание ги проследивме прес-конференциите на СДС и настапите на Венко Филипче поврзани со ЕУ стремежите на Македонија. Сакаат да дадат некаква понуда, но не знаат како, сакаат нешто да кажат, но не знаат да се изразат. Прес-конференциите кои се одвиваат по принципот „сакам да кажам – не знам да речам“ се само одраз на површноста на специјалниот пратеник на Радев во Македонија Венко Филипче, реагира ВМРО ДПМНЕ.

Пријава на Антикорупциската комисија против поранешни директори во ТЕЦ Неготино: земале и плата и апанажа рамна на 12 плати!

Државната комисија за спречување на корупција (ДКСК) одлучи да поднесе пријава до Јавното обвинителство против поранешни членови на Управниот и на Надзорниот одбор на ТЕЦ Неготино.

„Поуки“ и закани на Робели од Тирана: Сопственици на Македонија се и Албанците! Албанија и Косово да ѝ го сменат курсот на владата, за да не се лизне РМ во кризи!

„Сегашната македонска влада се обидува да го поткопа она што е постигнато во последниот четврт век во однос на унапредувањето на албанскиот јазик. Поради тоа Македонија може да се лизне во подлабоки кризи. Нејзината влада веројатно може да го промени погрешниот тек, по кој се движи, само со обединета реакција на Албанците и со поддршка на Приштина и Тирана. Сопственици на македонската држава се и Албанците и тие така треба да се однесуваат!“ – наведува од Тирана, од Албанија новинарот и публицист Енвер Робели во својата колумна со забележлива интонација на закани, во која тој отворено ги повикува Албанија и Косово да интервенираат во внатрешните работи на суверена Република Македонија и „да ѝ го сменат погрешниот курс на македонската влада“, „за да не се лизнела земјата во уште подлабоки кризи“!

По изјавата за Гоце Делчев, Рубин Земон на средба со Виктор Стојанов, кој има доживотна забрана за влез во Македонија

Рубин Земон, член на Централниот одбор на СДСМ, се сретнал со бугарскиот државјанин Виктор Стојанов, претседател на т.н. „Фондација Македонија“, кој има доживотна забрана за влез во Република Македонија и против кого пред два месеци беше поднесена кривична пријава за ширење говор на омраза кон македонската држава и народ.

„Н.М„: Исвиркувањата на химната и пораките за „Голема Албанија“ беа за прекројување граници и омраза кон Македонија! – Секоја европска држава би реагирала на тоа жестоко, со кривични постапки и казни!

„Кога се исвиркува македонската химна, кога не се станува во чест на државните симболи, кога се скандираат пароли за ‘голема Албанија’, кога се испраќаат пораки за прекројување граници и понижување на сопствената држава, тогаш тоа не е навивање. Тоа е политичка порака со опасна умисла и организираност. Ова беше организиран амбиент на омраза, нетрпеливост и отворено непочитување кон Македонија како држава. Ниедна сериозна европска држава не би дозволила организирано исвиркување на химната и сепаратистички пораки без жестока реакција. Ниту една! Во Франција, Германија, Италија или во Шпанија ваквите сцени значат експресни казни, кривични постапки, празни трибини и долгорочни забрани. Држава што не се брани себеси, почнува да се распаѓа однатре. Но, тоа нема да се дозволи тоа!“ – нагласува весникот „Нова Македонија“ во својот редакциски коментар со наслов „Кога ја исвиркуваш химната, ја исвиркуваш својата татковина!“.

Комисијата откри неправилности кај откупни центри: Се кршат правата на земјоделците

Од Комисијата информираат дека најсериозните прекршувања се однесуваат на регулирањето на договорните односи меѓу откупувачите и добавувачите на земјоделски и прехранбени производи.
Сите вести од Македонија

Најнови вести

To top