Македонија

Србија мерка територии на Македонија, предупредува Радев?!

Бугарскиот претседател ја алармира Европската унија за проектот „Српски свет“, обвинувајќи го Белград за експанзионизам

1 минута за читање

Бугарскиот претседател Румен Радев ја предупреди Европската унија за проектот „Српски свет“, оценувајќи дека тоа е ново име за проектот „Голема Србија“.

„Како што знаете, Западниот Балкан е критична точка за безбедноста и целото внимание на Европската унија е насочено таму“, одговори тој на прашањето од бугарската агенција БГНЕС за предупредувањата на ЕУ за опасноста од проектот „Српски свет“ и како овој проект од Белград влијае врз безбедноста на Западен Балкан.

„И мислам дека е време сите европски институции посериозно да се ангажираат со ова прашање. Тоа е исклучително чувствително и за нас“, додаде Радев.

„Српскиот свет е новото име за проектот ‘Голема Србија’. Тој има цел да ги контролира соседните држави, вклучително и преку обединување со Србија на територии од Босна, Хрватска, Црна Гора, Косово и Северна Македонија. Главен инструмент за негово спроведување е Српската православна црква“, изјави тој.

Поврзани теми:

Србија|Српски свет|Македонија|еу|БГНЕС|Румен Радев

Повеќе на оваа тема:

Најнови вести од: Македонија

Кога сакаме да гледаме претстава, одиме во театар – рече Филипче за протестот на ДУИ

За претседателот на СДСМ, Венко Филипче, денешниот протест за поддршка на лидерите на УЧК, е уште една од серијата смислени и изрежирани работи кои служат за дефокус од главниот проблем, а тоа се мигранти за пари.

Претставен преобјавениот „Абецедар – сто години потоа“ – сведоштво за постоењето на Македонците и македонскиот јазик во Егејска Македонија, во Грција

„Денес, во новата историска реалност ние, како Македонци, имаме неспорен и вреден историски документ од пред еден век, кој претставува директно сведоштво дека Грција во 1925 година планирала настава на македонски јазик за потребите на македонските деца во грчкиот образовен систем. Уште поголема важност на ‘Абецедарот’ му дава фактот што неговите автори се Грци по националност и што учебникот бил изготвен по налог на грчкото министерство за образование. Токму овие последни два неспорни факта треба да бидат нашите клучни аргументи пред светската јавност кога зборуваме и расправаме за македонското прашање, за правата на Македонците во Егејскиот дел на Македонија и за неисполнетите обврски на Грција и нејзиното отстапување да го признае постоењето Македонци на нејзинатата територија.“ – истакна универзитетскиот професор д-р Никола Жежов при денешното претставување на преобјавениот Македонски буквар „Абецедарот – сто години потоа“ (1925-2025).
Сите вести од Македонија

Најнови вести

To top