„Опозицијата се повикува на британските медиуми, може да се повикува на кого сака, но сите релевантни чинители во државава (премиерот, министерот за надворешни работи, претседателката, јас кога бев во Брисел) негиравме дека не е вистина, тоа што го тврдат. Најодговорно тврдам дека во рамки на мојот мандат со ниту еден странски дипломат не сум разговарал на тема за какво било прифаќање мигранти од страна на која било држава, никогаш ниту ми било поставено како прашање, ниту како барање, ниту сум го имал како разговор со кој било од нив. Стопати повторената лага на СДСМ за мигрантските кампови не може да стане вистина.“ – нагласи Панче Тошковски, коментирајќи ги тврдењата на СДСМ за мигрантски кампови.
„Мигрантите минуваат низ Македонија 10-15 години, а сега имаме и ново утврдување кризна состојба во врска со мигрантите, поради фактичката состојба во државата. На граѓаните мора да им објасниме дека Македонија е клучен чинител во овие процеси, поврзани со илегалната миграција, затоа што е на патот на нелегална миграција. Ние сме транзитна земја и поради тоа сме многу важни.“ – рече Тошковски.
Во коментар на тврдењата за можноста за враќање на мигрантите во трети земји не само во земјата на потекло и споменувањето на Западен Балкан во тој контекст и договорот меѓу Италија и Албанија, Тошковски нагласи дека „македонската опозиција почна да не прави разлика помеѓу Македонија и Албанија“. „Ова е Македонија, а не Албанија.“ – напомна тој.