Македонија

УЈП: Почна исплатта за Мој ДДВ за последниот квартал од 2025-та

Zа четвртиот квартал од 2025 година, наменети се вкупно 924,5 милиони денари за 526,123 корисници на апликацијата

1 минута за читање

Започна распределбата на парични средства преку апликацијата МојДДВ за скенирани фискални сметки од последниот квартал на 2025 година, извести Управата за јавни приходи (УЈП).

Од УЈП наведуваат дека за четвртиот квартал од 2025 година, наменети се вкупно 924,5 милиони денари за 526,123 корисници на апликацијата МојДДВ.

“До овој момент, реализирани се 184,5 милиони денари, кои се распределени до 104,000 корисници на апликацијата МојДДВ.”

Исплатата на средствата оди континуирано; веднаш штом се обработат налозите, парите се префрлаат на сметките на корисниците на МојДДВ, потврдуваат од УЈП.

Дополнително, потсетуваат дека 5,292 корисници кои скенирале фискални сметки внеле неточни податоци за својата трансакциска сметка, што ја спречува реализацијата на исплатата.

“Доколку не сте примиле средства, Ве молиме проверете ги и доу formaте податоците за трансакциската сметка директно во апликацијата МојДДВ.”

Со тоа, УЈП ќе располага со точни информации за корисникот и ќе биде можно да се изврши исплатата на поврат по основ на МојДДВ, нагласуваат од Управата за јавни приходи.

Поврзани теми:

актуелно|УЈП|ДДВ|исплата|последен квартал

Повеќе на оваа тема:

Најнови вести од: Македонија

„Дупла корупција“: Директорот Васе Анакиев, уапсен на дело со 50 илјади евра, за „услугата“ барал двојно повеќе пари, кои ги давала шпедитерска фирма

Директорот на Државниот инспекторат за земјоделство, Васе Анакиев (41) од Кочани, е лишен од слобода под сомнение за примање поткуп, информира Министерството за внатрешни работи. Како што соопшти МВР, акцијата е спроведена на 20 март 2026 година и против него е поднесена кривична пријава до Основното јавно обвинителство за гонење организиран криминал и корупција за […]

Никој не е над законот, очекуваме расчистување на случајот со уапсениот директор, велат од земјоделство

Борбата против корупцијата е врвен приоритет и дека, како што велат, „никој не е над законот“. Во соопштението се прави и политичка дистинкција, при што се посочува дека, за разлика од претходните власти, актуелната Влада спроведува неселективна правда, без оглед на функцијата или политичката припадност.

„Н.М“: Дали бугарските шовинистички барања ја будат совеста на Европа?! Во Стразбур се отвори простор за правно делегитимирање на Вториот протокол!

„Ако се утврди дека Вториот протокол кон „Договорот за добрососедство со Бугарија’ не е дел не е дел од формалната преговарачка рамка, или дека излегува надвор од европските стандарди, тогаш ќе се отвори простор за негово правно делегитимирање! – пишува денес весникот „Нова Македонија“, повикувајќи се на правни експерти од Македонија, кои се во директна комуникација со експертските служби во ЕУ.

Л.И. (27) од Црна Гора украла накит од златарница во Тетово, па била уапсена

Вчера, на 19 март 2026 во 16 часот во Тетово на ул.„Страшо Пинџур“ полициски службеници од СВР Тетово ја лишија од слобода Л.И. (27) од Р. Црна Гора, по претходна пријава од А.Х. (31) од Тетово, дека од неговата продавница за златен накит во Тетово, едно женско лице, кое питачело, одзело златни предмети.

Туфегџиќ: Јавното обвинителство нема контакт со реалноста и Савески, како „свежа крв“ во правосудството, ќе наметне нов пристап во неговото дејствување!

Адвокатот и поранешен судија Владимир Туфегџиќ оцени дека изборот на Ненад Савески како државен јавен обвинител претставува значајна можност за суштински промени во правосудниот систем, но изрази изненадување што изостанала јавна поддршка од институциите. Туфегџиќ јавно му даде поддршка на Савески, порачувајќи дека пред него стои сериозна задача, но и можност за вистинска преобразба на обвинителството. Тој  смета дека Савески има „огромна одговорност и историска шанса“ да поттикне позитивни движења и реални реформи, кои би ја вратиле довербата во институциите. 
Сите вести од Македонија

Најнови вести

To top