Голема штета од вандализам е предизвикана вчера во најголемото штипско основно училиште „Ванчо Прке“ со повеќе од 1.100 ученици од прво до деветто одделение, што ќе предизвика одреден преки во наставата. Според првичните информации хулиганот, или хулиганите, влегле насилно во објектот, а претходно со спреј ги неутрализирале безбедносните камери.
Ѕидовите на ходниците и на училниците се испишани со непристојни содржини, меѓу кои и со навистички свастики! Искршен е и дел од училишниот инвентар.
Оштетени се повеќе кабинети, при што се уништени врати, ѕидови, училишен инвентар и смарт табли, а дел од просториите биле испишани со спреј. Сторителите се обиделе да ги оневозможат камерите, но системот продолжил да снима. На снимките е забележано едно лице.
Директорот Кокан Радев во изјава за медиумите рече дека вандалот влегол во училиштето преку фискултурната сала. Тој додаде дека најмногу се оштетени кабнетите од предметната настава. Радев очекува брзо да ја поправат штетата по вандализмот во училиштето