“Вистинска парада на гордоста” по четврти пат се одржа синоќа низ Широк Сокак во Битола, почнувајќи од плоштадот “Магнолија“, каде во 20 часот се собраа битолчани, јави порталот Битола.њуз.
Парадата има за цел да се зачуваат традиционалните вредности, дом, семејство, брак, деца, мајка и татко… истакнаа организторите.
„Сакаме да го оствариме нашето право, а тоа е вистината, за разлика од другите кои ја урнисуваат нашата татковина, а на другите паради се исмејува патриотизмот, Господ Бог и се осквернува семејството. “Вистинската парада на гордоста“ се организира според начелата за кои сме: дом, семејство, родители – мајка и татко… Тука, по четврт пат, сме собрани заради нашите најмили, нашите деца и за нивната иднина.
По парадата, битолчани одржаа и марш по Широк Сокак, кој заврши кај Офицерски дом.