„Доста е од неодговорност од СДС и Филипче. Доста е од ширење паника. Граѓаните заслужуваат факти, а не политички циркус на СДС и Филипче. Време е Филипче и СДС да понудат нешто повеќе од лаги и страв. Доколку некој умее во СДС, време е да понудат визија, решенија и одговорност“, велат од ВМРО-ДПМНЕ.
Од партијата посочуваат дека СДС и раководството немаат што да им понудат на граѓаните. Во отсуство на идеи, програма и стратегија за државата, единствено што знаат е да креираат хаос, да шират лажни вести и дезинформации.
Според ВМРО-ДПМНЕ, Венко Филипче, додека се луксузира на јахтата на Заев на Егејот со украдените пари на народот, дава инструкции до партиските послушници на СДС да креираат паника на социјалните мрежи за водата во Скопје.
„Додека Венко Филипче и Зоран Заев се на одмор на Егејот, решиле да водат политика преку ширење дезинформации и создавање страв кај граѓаните. Ширењето дезинформации за водата во Скопје е крајно неодговорно. СДС и Филипче да не си играат ниту со довербата на јавноста, ниту со чувството на сигурност на граѓаните, а најмалку со прашања поврзани со нивното здравје. Надлежните институции веднаш реагираа и ги демантираа тврдењата со официјални податоци. Министерството за внатрешни работи презеде активности за утврдување на потеклото на информацијата и одговорноста за ширењето паника“, велат од партијата.
Во соопштението се наведува и дека Филипче и СДС треба да разберат оти политичката борба има граници.
„Филипче и СДС можат да продолжат со својот политички циркус, граѓаните одамна не им веруваат. Додека Владата предводена од ВМРО-ДПМНЕ работи на економијата, инвестициите, платите, инфраструктурата и подобар животен стандард, СДС повторно се враќа на старото познато сценарио на лаги, дезинформации и создавање хаос“, се наведува во соопштението.