По изјавите на потпретседателот Бујар Османи дека избори се очекуваат следната пролет, ВМРО-ДПМНЕ демантираше дека постои комуникација со Демократската унија за интеграција (ДУИ) во врска со предвремени парламентарни избори.
Раакцијата доаѓа откако Османи изјави дека имало комуникација со ВМРО-ДПМНЕ, но не изнесе детали за некаков конкретен договор.
„Ние бараме избори. Природно, имаше комуникација со ВМРО-ДПМНЕ преку разни канали и нема противење. Очекуваме избори во пролетта 2027 година и вршиме подготовки“, изјави Османи.
„Нема никаква комуникација со ДУИ во врска со предвремени избори. Згора на тоа, идејата да се разговара за толку сериозни прашања со Бујар Османи не ни паднала на памет. Се чини дека Бујар повторно измислува начин да остане релевантен среде измислени националистички наративи“, соопштија од ВМРО-ДПМНЕ.
Бујар Османи, гостувајќи во емисијата „Клик плус“ на ТВ21, изјави дека тие се подготвени за избори и дека тој став му бил пренесен на ВМРО-ДПМНЕ.
„Секако, ова им е пренесено преку разни канали. Нема значителен отпор во тој поглед; очекуваме предвремени избори некаде следната пролет и соодветно се подготвуваме“, рече Османи.