Со цел модерно квалитетно и достапно здравство за сите граѓани, Владата испорачува конкретни резултати воздравениот систем, соопштуваат од владејачката ВМРО-ДПМНЕ.
„Со рекорден буџет од над 1 милијарда евра, здравствениот систем добива најсилна финансиска поддршка досега. Средствата се дирекно насочени кон нов медицински кадар, квалитетни здравствени услуги, нова инфраструктура и медицинска опрема.
Особено значајна е одлуката за вработување на уште 300 приватни специјализанти до крајот на 2026 година. Тоа значи повеќе специјалисти во јавните здравствени установи, посигурна професионална иднина за младите лекари и подобра здравствена услуга за граѓаните.
Исто така владата на ВМРО-ДПМНЕ го реализира и историското зголемување на капитацискиот бод за матичните лекари по општа медицина и гинекологија кој се зголеми од 75 на 100 денари, односно за 33%, додека кај матичните стоматолози зголемувањето е од 61 на 75 денари.
Со тоа, се вели во денешното соопштенние, директно се зајакнува примарната здравствена заштита, се подобруваат условите за работа на матичните лекари и се создава простор за отворање нови ординации.
„Паралелно, позитивната листа на лекови е проширена со нови терапии. Додадени се девет нови генерички лекови за кардиоваскуларни заболувања, депресија и деменција, а листата е дополнета и проширена и со три антикоагулантни лекови Еноксапарин, Надропарин и Ривароксабан.
Тоа значи поширок избор на терапии за пациентите и намалување на финансискиот товар, бидејќи лековите се обезбедуваат на товар на ФЗО.
Зад политиките на Владата на ВМРО-ДПМНЕ стојат конкретни резултати а фактите се јасни: над 1 милијарда евра за здравство, 300 нови приватни специјализанти, зголемени капитациски бодови и проширена позитивна листа на лекови“ велат од партијата и додаваат дека Владата ќе продолжи да работи на кадровско и финансиско зајакнување на здравството.