Македонија

Во штипските основни училишта свечено примени првачињата

Во пет основни училишта

2 минути за читање

Во петте штипски основни училишта традиционално пред стартот на новата учебната 2025-2026 година беа свечено примени првачињата. Со рецитал и пригодна манифестација денеска беа пречекани првачињата. Градоначалникот на Општина Штип, Иван Јорданов присуствуваше на свечениот прием на првачињата во Општинско основно училиште (ООУ) „Славејко Арсов“ во населбата Баби во Штип. Во ова училиште 35 првачиња за првпат седнуваат во училишните клупи, а учениците од повисоките одделенија подготвија соодветна програма за пречек на првоодделниците.

-ООУ „Славејко Арсов“ утринава ја отвора вратата за нашите вредни мали првачиња, нашите ученици со кои сите заедно, сплотени како едно, иднина со знаење ќе градиме вредно. Вратата на иднината се отвора со моќта на знаењето, а затоа во училиштето наши мали првачиња, ве чекаат вредни наставници со кои ќе зачекорите по првите скали на убавите сказни, мудрости и приказни разни, рече Ристе Трајковски директор на ООУ „Славејко Арсов“.

Првачињата ги поздрави и градоначалникот на Општина Штип, Иван Јорданов, кој беше дел од оваа пригодна маниифестација. Тој им посака многу радосни моменти, многу знаење, и успешно започнување на нивниот образоваен процес.

-Ова е навистина ден за паметење, кој е значаен за сите нас затоа што е нов почеток и верувам дека ќе го паметиме до крајот на нашиот живот. Нов почеток, за нови успеси, за нови знаења, за нов развој на нашиот град и за развој на населбата Баби. Ви посакувам драги првачиња деновите да ви бидат исполнети со радост и многу знаење, вели Јорданов.

И оваа година во ООУ „Славејко Арсов“ Штип бројот на првачиња е намален идентично како и во сите останати основни училишта во Штип. Инаку во петте штипски основни училишта над 360 ученици го започнуваат своето образование во прво одделение.

Поврзани теми:

Штип|градоначалник|првачиња|дочек|свеченост|општина

Повеќе на оваа тема:

Најнови вести од: Македонија

Литовски: Битолскиот одред „Пелистер“ разбиен на 3.5.1942 од бугарските окупатори, кои ја усмртија Елпида, влечејќи ја врзана за кола низ селата, за да ги заплашат Македонците!

На денешен ден, на 3 мај 1942 година, над селото Ореово, Битолско, Битолскиот народноослободителен партизански одред „Пелистер“ бил опкружен и разбиен од бугарската фашистичка окупаторска војска и полиција, откако преку предавство бил лоциран еден ден претходно. Оваа единица на НОВ и ПО на Македонија била формирана на 22 април 1942 г. од 19 борци. Во борбата загинаа народниот херој Елпида Караманди, која била тешко ранета, заробена и набрзо свирепо убиена, Димитар Николовски-Таќи Даскало, Димче Хаџи Поповски, Мара Јосифовска-Ѓурѓа, Ордан Михајловски-Оцката и Ордан Орданоски-Сандански. Сите биле борци на овој партизански одред. Ова го истакнува универзитетскиот професор и историчар д-р Александар Литовски од Институтот за национална историја од Скопје во својата научна статија со наслов „ 3.

„Скопје1.мк“: „Малолетници под дејство на алкохол со ножеви в рака тргнаа кон мене!“ – вознемирувачко сведоштво од автобус во Скопје

Празничен ден, пикник и детска радост, но за неколку минути сè се претворило во сцена на страв и насилство. Скопјанката Наташа Младеновска сведочи за инцидент во автобус од Водно кон центарот на Скопје, во кој учествувале малолетници, а ситуацијата ескалирала до вадење ножеви.

„МКД.мк“: Во Липково вчера се „славеше„ „слободна територија Карадак“ од конфликтот во 2001 година!

Во Липково вчера беше „прославен“ 2 мај, за општината познат како „Ден на прогласувањето на слободната зона Карадак“, Кумановско, и како Ден на општината. На својот фејсбук-профил пратеникот Ријад Шаќири од Алијансата на Албанците од колицијата Вреди, напиша дека заедно со градоначалникот Еркан Арифи (од ДУИ), општинските советници на гробиштата „оддадоа почит на мачениците кои ги положија своите животи во 2001 година“. Ова го објави информативниот портал „МКД.мк“

Али Ахмети го „прослави“ 2 мај, „Денот на прогласувањето на Карадак како зона ослободена од УЧК во 2001“ и порача: Тоа е и натаму „симбол на отпор“!

Лидерот на ДУИ Али Ахмети вчера го „прослави“ 2 мај „Денот на прогласувањето на Карадак како ослободена територија“ од страна на УЧК во 2001 година“, означувајќи го овој датум како „важен момент во новата историја“. „Во Слупчане е напишана една од најзначајните страници, а прогласувањето на Карадак како слободна зона е доказ за решителност за слобода, достоинство и еднаквост. Карадак и неговите жители остануваат симбол на отпор и единство за поправична иднина.“ – рече Ахмети. Со оваа своја порака тој отвори дилема: каков „симбол на отпор“, но и кон кого, продолжува да биде и денес ова „прогласување територија ослободена од борците на УЧК во мај 2001“?! Претседателот на ДУИ Ахмети „прославува“ и денес „25 години од прогласувањето слободна зона“ инаку на територијата на унитарната држава Македонија!

Османи ќе се „жали“ во ЕУ за „влошувањето на меѓуетничките односи и кршењето на Охридскиот договор“, но и за евроинтеграцијата

„Потпретседателот на ДУИ Бујар Османи е во дводневна работна посета на Брисел, каде што ќе оствари серија средби со претставници на Европската комисија, Службата за надворешни работи на ЕУ, како и со европратеници. Според најавата, во центарот на вниманието на овие средби ќе бидат прашања поврзани со европската перспектива на земјата, забрзувањето на евроинтеграцијата и актуелните политички предизвици.“ – објави информативната агенција на албански јазик Илирија-ИНА.
Сите вести од Македонија

Најнови вести

To top