Македонија

Вработените во „Паркови и зеленило“ добија плата, но не и нивните колеги

Вработените во Јавното претпријатие „Паркови и зеленило“ и фирмите ќерки „Флораком“ и „Луна“ денеска излегоа повторно на улица и блокираа неколку крстосници во Град Скопје, со цел да го изразат своето незадоволство за доцнењето на платите за месец август.

1 минута за читање

Вработените во „Паркови и зеленило“ добија плата, кои заедно со нивните колеги од Флораком и Луна, 2 часа ги блокираа булеварите Илинден и Партизански одреди. Си ја бараа августовската плата и здравственото осигурување – без кое останаа од денеска. Притисокот попладнево даде резултат, платата им беше испалтена но само на вработените во Паркови и зеленило. Останатите – утре ќе продолжат со протест на булеварот Илинден.

Покрај плата, вработените бараат и додатоци на плата, регрес за годишен одмор, јубелејни награди, како останатите вработени во јавните институции. Ова не е прв пат вработените овие јавни претпријатија да останат без плата. Во август протестираа за неисплатена јулска, која ја добија на крајот на месецот.

Од Сојузот на синдикати на Македонија, пак информираа дека веднаш по завршување на блокадите, платата за месец август им била исплатена само на вработените во „Паркови и зеленило“, додека вработените во фирмите ќерки „Флораком“ и „Луна“ се уште не го добиле својот надоместок. Доколку не им биде исплатена платата и на останатите вработени, блокадите ќе продолжат и во наредните денови.

Поврзани теми:

топ|работници|протест|плати|Град Скопје|пари|Паркови зеленило|Луна|Флораком

Повеќе на оваа тема:

Најнови вести од: Македонија

„Граматиката“ на Блаже Конески од 1952 – силен научен противудар кон бугарско-грчките негирања на македонскиот јазик!

„Корените на нашиот денешен литературен јазик се впиваат во наследството на писменоста, што од векови наваму носи во Македонија самобитно јазично обележје.“ – има напишано, покрај другото, еден од архитектите на македонскиот национален идентитет и на македонскиот јазик Блаже Конески во уводот на својата „Граматика на македонскиот литературен јазик“, објавена на денешен ден, на 13 октомври 1952 година. Издавањето на ова дело е еден од најзначајните датуми не само во јазичната, туку и националната историја на македонскиот народ. Најголемиот пораз за негаторите на мајчиниот јазик на Македонците е фактот што „Граматиката“ веднаш добива меѓународен легитимитет од најугледните светски лингвистички умови и од светските славистички центри: таа е веднаш прифатена од водечките слависти во Франција (Андре Вајан), Русија, Германија и САД. Речиси истовремено со Конески американскиот професор од Универзитетот Харвард Хорас Лант ја објавува својата прва македонска граматика на англиски јазик .Светската наука уште во 50-тите години од минатиот век ја затвори расправата, која денес сѐ посилно, но и сѐ почајно особено Грција и Бугарија се обидуваат повторно да ја отворат со политички фалсификати.
Сите вести од Македонија

Најнови вести

To top