Секој ден се зголемува бројот на луѓе разочарани од скандалозната одлука на лидерот на едното крило на Алијанса, она на Арбен Таравари да оди „во скутот на Ахмети“, велат од ВРЕДИ
„Оставката на пратеникот Салим Сулејмани е најдобар доказ дека Албанците ниту се купуваат ниту се продаваат за позиции. Ова е највисок морален чин што заслужува секаква почит. Како пратеникот Сулејмани, огромното мнозинство од структурата на Алијансата за Албанците е на истото мислење и оставките почнаа масовно да се појавуваат, ова е затоа што гласачот на Алијансата за Албанците не голта да оди во скутот на Али Ахмети само поради пазарењата на Таравари“, велат од Коалицијата ВРЕДИ
Според нив Таравари покажал дека не е способен да води или управува партија.
„За помалку од две години, тој толку многу ја наштети оваа партија што не ѝ нанесе штета на ниту една спротивставена страна.
Сега, кога оставките се последователни, се чини јасно дека Таравари ќе заврши сам во скутот на Али Ахмети“ предвидуваат од ВРЕДИ.
Оттаму велат дека од самиот почеток биле на мислење дека во Алијансата за Албанците има чесни луѓе со морална одговорност кон електоратот.
„Овие наши изјави денес ги потврди пратеникот Сулејмани, како и голем број други функционери, активисти и гласачи, кои на никаков начин не се поврзуваат со злото. Албанскиот граѓанин, без разлика дали е функционер, активист или гласач, не е алатка во рацете на Таравари што треба да се користи за пазарење на ниско ниво“, велат од ВРЕДИ.