Бугарскиот премиер Румен Радев со лоша вест за колегите од Министерскиот совет пред денешната седница, објавија медиумите кај источниот македонски сосед.
„Лошата вест е дека на 3 јуни, следната недела, Европската комисија ќе објави извештај со кој ќе се покрене постапка за прекумерниот дефицит на Бугарија. Нашиот дефицит е над 3 проценти и ќе бидеме предмет на редовно следење со санкции“, им рече тој.
Според поранешпниот претседател на Бугарија, дефицитот минатата година бил далеку над 3 отсто, а неговите претходници на премиерската функција лажеле заради влез во еврозоната. Истовремено, тој најави дека буџетскиот дефицитгодинава ќе биде уште поголем.
„Меурот пукна и ова е тешкото наследство што го добивме. Некои беа научени да бидат финансиери на наш грб, декапитализираа државни компании, исцицаа бизниси, земаа даноци за да ги прилагодат табелите во Excel, а други ги зголемија трошоците со несоодветни јавни набавки, го ограбија и го испразнија буџетот. Сега доаѓа време за тешки прашања и ЕК ќе нè праша зошто некои луѓе ја излажаа?“, објасни Радев.
„Сега ние, како влада, ќе бараме одговорност за кражбите и грабежите. Ќе направиме сè што е можно во наредните години за да го доведеме буџетот во нормални граници“, нагласи тој.
Минатата седмица ЕК објави прогноза дека буџетскиот дефицит на Бугарија годинава ќе достигне 4,1 проценти, а в година 4,3 отсто.
Според критериумите од Мастрихт, еден од клучните услови за влез во еврозоната е буџетскиот дефицит да не надмине 3 проценти.