На Бугарија ѝ е потребна проактивна, конзистентна и долгорочна стратегија во однос на Република *Македонија, а не кампањски акции и одложени реакции.
Ова е став на меѓународниот аналитичар Владимир Владимиров во интервју за Бугарското национално радио БНР, апелирајќи до бугарската политичка елита да се обедини околу стратешки пристап, особено во областа на инфраструктурата и комуникацииите.
„…на терен, странски сили како Србија нè победуваат во секоја рунда“, нагласи Владимиров, додавајќи дека Бугарија нема комуникациска стратегија за Македонија – сериозен дефицит во ерата во која битките се водат со наративи, а не само со дипломатски ноти.
Во овој контекст, тој ја посочи и улогата на унгарскиот премиер Виктор Орбан и неговото влијание врз медиумите во Македонија, пренесе Њуз.бг.
„Според студијата на Новиот бугарски универзитет, над 90% од говорот на омраза против Бугарија во македонските медиуми доаѓа од публикации во сопственост на олигарх близок до Орбан.
„Иако Орбан се претставува како пријател на Бугарија во нашата земја, финансирањето на антибугарската пропаганда доаѓа токму од неговиот политички круг“, вели Владимиров.