Вчера сцената на Долни Сарај во Охрид ја пречека „Митот за амазонките“, танцова претстава инспирирана од легендарните жени воини од грчката митологија.
Продукцијата е изведена од ART Dance Theater Company од Грција а е во кореографија на Артемис Игнатиу, меѓународно признат кореограф на церемониите за палење и предавање на #Олимпискиот пламен од 2008 година.
Амазонките, митски воинки кои потекнуваат од Арес, Богот на војната и нимфата Хармонија, биле познати по својата храброст и вештина во битката.
Преку движење и танц, оваа претстава го оживува нивниот свет, фокусирајќи се на два иконски мита: деветтиот труд на Херакле, кражбата на златниот појас на кралицата Хиполита и легендарниот дуел помеѓу Пентесилеја и Ахил, каде што љубовта и трагедијата се појавуваат среде војна.
На претставата присуствувала и претседателката Гордана Сиљановска-Давкова.
Настанот е поддржан од EDS (Energy Delivery Solutions), водечка компанија за трговија и снабдување со електрична енергија во Македонија, која функционира како дел од PPC Group (Public Power Corporation), најголемата енергетска компанија во Југоисточна Европа.