Со 56 гласа „за“ и 52 гласа „против“, со 4 воздржани, Собранието не гласаше за владата „Курти 3“.
На Курти му беа потребни 61 глас за да ја формира новата влада, бројка што ја нема.
Откако новата влада беше отфрлена од Собранието, следниот чекор сега паѓа на претседателката на Косово, Вјоса Османи.
Таа, во консултација со партиите, треба да назначи нов мандатар кој може да обезбеди мнозинство, а кој ќе има 15 дена да се обиде да го стори тоа.
Доколку тој обид не успее, Косово ќе одржи нови парламентарни избори.
За време на својот говор во Собранието, Курти ги повика пратениците да гласаат за новата влада и предупреди дека предупреди дека, доколку владата не се изгласа, Косово ќе остане без буџет, а со тоа и без државни грантови и развој.
„Ние сме најдемократската земја во регионот. Секогаш ќе бидам подготвен, како и во овие четири години, за дискусии до крај“, рече Курти.