Регион

Проститутките во Бугарија се престроија – со цени и во евра, покрај во левови

Давателките на сексуални услуги кај источниот македонски сосед го почитуваат Законот за воведување на еврото

И проститутките во Бугарија се престроија според Законот за воведување на еврото и од 8 август ги изразуваат цените на своите услуги во две валути – покрај во левови, веќе наплаќаат и во евра, пишува бугарски „Телеграф“.

„Во просек, цените за еден час секс во Софија се движат помеѓу 150 лева (76,69 евра) и 200 лева (102,26 евра), додека во Пловдив, Варна и Бургас сè уште можете да најдете проститутки за цени од 100 лева (51,13 евра) на час“, се вели во написот.

„Очигледно, оние кои ја практикуваат најстарата професија во нашата земја, освен што се убави, се и доволно интелигентни, добро ги познаваат законите и ги почитуваат. Ажурирањето на цените на проститутките покажува дека тие се добро запознаени со барањата на Законот за воведување на еврото од 8 август во Бугарија, кој ги обврзува сите цени и такси сега да бидат означени со двојна цена – во левови и во евра. Овој период на двојно етикетирање ќе опфаќа 11 месеци, до 30 јуни 2026 година, кога ќе останат само цените во евра“, се додава во текстот на „Телеграф“.

 

Најнови вести од: Регион

Вучиќ:Србија нема да дозволи насилни обиди за преземање на власта

Претседателот на Србија, Александар Вучиќ, упати писмо до британскиот весник „Гардијан“, одговарајќи на критиките за начинот на кој државата се справува со студентските протести што ја потресуваат земјата повеќе од девет месеци.

Вицепремиерот добил писмо со 3 куршуми

Српското Министерство за внатрешни работи денес соопшти дека при редовна проверка на поштата во зградата на Владата на Србија, во коверт адресиран до вицепремиерот и министер за внатрешни работи, Ивица Дачиќ, биле пронајдени три куршуми.

(Фото): Грчките државни службеници на 24-часовен штрајк против новиот дисциплински закон

Вработените во јавниот сектор во Грција започнаа 24-часовен штрајк во знак на протест против новиот закон за дисциплинска постапка. АДЕДИ го осудува ограничувањето на синдикалните и граѓанските права.

Јадранското Море достигна температура што била предвидена за дури до крајот на векот

Температурата на Јадранското Море денес е повисока отколку било кога во минатото – и трендот на затоплување продолжува. Во последните дваесет години, површинските летни температури често надминуваат 27 °C, а во поплитките области достигнуваат и 29 °C, што е за 1–2 °C повеќе од крајот на минатиот век.

Зошто се повеќе македонски студенти заминуваат да учат во странство?!

Во академската 2024/2025 година бројот на странски студенти во Словенија достигна 11.918, што е пораст од 12,8% во однос на претходната година. Повеќе од 1.000 од нив доаѓаат од само четири земји, меѓу кои и Македонија.

To top