Регион

Седум години од „Преспанскиот договор“ со кој Македонија го смени името

Договорот во Нивици (Псарадес), на 17 јуни 2018 година, го потпишаа тогашните министри за надворешни работи Никола Димитров и Никос Коѕијас, а во присуство на тогашните премиери Зоран Заев и Алексис Ципрас, посредникот во преговорите Метју Нимиц, поранешниот еврокомесар за проширување Јоханес Хан, поранешната висока претставничка на ЕУ за надворешна политика и безбедност Федерика Могерини […]

Договорот во Нивици (Псарадес), на 17 јуни 2018 година, го потпишаа тогашните министри за надворешни работи Никола Димитров и Никос Коѕијас, а во присуство на тогашните премиери Зоран Заев и Алексис Ципрас, посредникот во преговорите Метју Нимиц, поранешниот еврокомесар за проширување Јоханес Хан, поранешната висока претставничка на ЕУ за надворешна политика и безбедност Федерика Могерини и други високи меѓународни претставници, како и претставници на двете земји.

Согласно договореното, Република Македонија го промени името во „Северна Македонија“, државјанството е македонско/државјанин на Република „Северна Македонија“, а јазикот македонски.

Земјата стана 30-та членка на НАТО и иако името континуирано со години со споменуваше како пречка за ЕУ перспективата на земја, сепак не го отвори целосно патот кон Европската Унија.

На 30 септември 2018 година, три месеци по Договорот, македонските граѓани беа повикани на раферендум да одговорат на прашањето „Дали сте за членство во ЕУ и НАТО со прифаќање на Договорот помеѓу Република Македонија и Република Грција?“.

Излезноста на референдумот беше мала, гласаа само 36,91 отсто од гласачите, од нив 91,47 проценти беа „за“, а 5,64 отсто „против“.

Согласно конечните резултати од гласањето одлуката на референдумот не беше усвоена, бидејќи не гласаа повеќе од половина од вкупниот број граѓани запишани во избирачкиот список.

И додека македонската страна исполни голем дел, а можеби и сите обврски од Договорот од Преспа, во однос на имплементацијата, како што се промената на уставното име и Уставот, менување на пасошите, регистарските таблици, менување на имињата на Министерствата и институциите и слично, од грчка страна, како што неколку пати во минатото има пишувано МИА, постојат одредени доцнења што се однесуваат на спроведувањето на договореното.

Трите меморандуми за соработка потпишани во 2019 година, а за првпат доставени во грчкиот Парламент на средината на септември 2020 година, сè уште не се ратификувани и покрај тоа што опозициската СИРИЗА, лани ги достави по втор пат, а дополнително, не е одржан вториот Совет на високо ниво.

Грција, иако презеде обврска, не ги промени ни патоказите кон Македонија на кои се’ уште стои – Скопје, а објаснувањето е дека локалните власти се противеле на тоа…

Најнови вести од: Регион

Трагедија на автопатот кај Нови Сад: Дете загина, седумина повредени

Едно дете загина, а седуммина други се потешко повредени во страшна сообраќајна несреќа што се случила рано изутрина околу 3:30 часот на автопатот Нови Сад – Белград, во близина на наплатната рампа кон српската престолнина.

Александар Вучиќ се огласи за проблемите во енергетскиот сектор

Вучиќ во неделата изјави дека ќе разговара со своите руски, американски и европски партнери за да го најде најдоброто решение за Србија во врска со моменталната енергетска ситуација. Тој тогаш изјави дека Србија ќе донесе свои одлуки и ќе го заштити населението ако немаме решение за проблемите оваа недела.

Претседателката Османи повикува на консултации за нов мандатар во Косово

Беким Купина, советник за медиуми на претседателката на Косово, Виоса Османи, денес изјави дека по неуспешниот обид за формирање нова влада, претседателката ќе ги покани политичките партии на консултации за избор на нов мандатар.

Најнови вести

To top