Регион Свет

Сиљановска Давкова на аудиенција кај папата Лав XIV и на средба со италијанскиот претседател Матарела

Претседателката Гордана Сиљановска – Давкова денеска, во рамки на посетата на Рим и Ватикан по повод чествувањето на Денот на сесловенските просветители, ќе има аудиенција кај папата Лав 14, јави известувачот на МИА. По аудиенцијата, претседателката Сиљановска – Давкова ќе има средба со државниот секретар на Светата столица, кардиналот Пјетро Паролин. На средбата ќе присуствува […]

Гордана Сиљановска Давкова

Претседателката Гордана Сиљановска – Давкова денеска, во рамки на посетата на Рим и Ватикан по повод чествувањето на Денот на сесловенските просветители, ќе има аудиенција кај папата Лав 14, јави известувачот на МИА.

По аудиенцијата, претседателката Сиљановска – Давкова ќе има средба со државниот секретар на Светата столица, кардиналот Пјетро Паролин.

На средбата ќе присуствува и секретарот за односи со држави и меѓународни организации на Светата столица, надбискуп Пол Ричард Галагер.

Според програмата, за попладне предвидена е средба и со претседателот на Италијанската Република, Серџо Матарела, со што завршува неколку дневната посета на претседателката Сиљановска – Давкова на Рим и Ватикан.

За време на престојот, таа присуствуваше на молебен на гробот на Свети Кирил по повод чествувањето на 24 Мај, ја посети базиликата „Санта Марија Маџоре“, каде што положи венец на спомен-плочата на македонски јазик во чест на делото на Светите браќа Кирил и Методиј и го посети гробот на папата Франциск.

Во рамки на манифестацијата „Македонија во чест на Св. Кирил“, заедно со македонската државно-црковна делегација, присуствуваше на концертот „Македонисимо“ на Симон Трпчески, настан во организација на македонското Министерство за култура.

Најнови вести од: Регион Свет

Вучиќ изјави дека на Бледскиот стратешки форум се зборувале глупости, а тој не сака да се занимава со тоа

Српскиот претседател Александар Вучиќ не беше присутен на Бледскиот стратешки форум, каде што европските лидери разговараа за проширувањето на Европската унија и состојбата на Балканот, туку престојуваше во Пекинг на големата воена парада.

Захарова: Ова не се безбедносни гаранции за Украина, тие се гаранции за опасност за европскиот континент

Русија денеска изјави дека безбедносните гаранции што ги бара Киев во рамките на решавањето на конфликтот во Украина претставуваат „опасност за европскиот континент“.

Доналд Трамп незаконски ги замрзнала грантовите од 2,2 милијарди долари наменети за Харвард

Федерален судија во САД вчера донесе одлука дека администрацијата на претседателот Доналд Трамп незаконски ги замрзнала грантовите во износ од околу 2,2 милијарди долари наменети за Универзитетот Харвард и дека повеќе не смее да го прекинува финансирањето на истражувањата на престижната институција од Бршленовата лига.

Маскирани напаѓачи брутално претепаа воени ветерани во Белград

Група од приближно десетина маскирани поединци извршиле брутален напад врз сопственик на угостителски објект и четворица гости – воени ветерани кои го поддржуваат студентскиот протест, како и врз присутните граѓани.

Додека траела парадата Си и Путин разговарале како да се постигне бесмртност

Додека формации со нуклеарни ракети маршираа на парадата во Пекинг, вклучен микрофон откри дека Владимир Путин и Си Џинпинг зборувале за бесмртност и трансплантација на органи, според Би-Би-Си.

Трамп: Наскоро ќе се случи нешто во Украина, но Путин и Зеленски не се подготвени

Американскиот претседател Доналд Трамп денеска изјави дека наскоро „ќе се случи нешто“ во Украина, но дека рускиот претседател Владимир Путин и украинскиот претседател Володимир Зеленски сè уште не се подготвени за тоа.

Светската трговија достигна најниско ниво во последните 80 години

Генералната директорка на Светската трговска организација, Нгози Оконџо-Ивеала, предупреди дека обемот на трговијата што се одвива според правилата на организацијата, паднал на најниско ниво од крајот на Втората светска војна.

To top