Регион

Среде протести за негова оставка: Рама со државни пари го финансира концертот на раперот кој го величи Хитлер

Во сенка на протестите против Кушнер и корупцијата

2 минути за читање

Албанскиот премиер Еди Рама денеска ја одбрани одлуката на владата да издвои четири милиони евра за концертот на американскиот рапер Канје Вест, чии настапи ова лето беа забранети во неколку европски земји поради неговото величање на нацистичкиот лидер Адолф Хитлер.

Концертот ќе се одржи в сабота во близина на Тирана. Рама истакна дека средствата се обезбедени во последен момент за да се избегне срамота за Албанија пред очите на странските посетители.

„Во последен момент издвоивме четири милиони евра за да избегнеме срамота за Албанија пред очите на речиси 25.000 странски посетители од 80 земји, кои веќе купија билети за да го видат Вест, додека многумина стравуваат дека настапот би можел да биде откажан“, рече Рама.

Премиерот изјави дека се очекува концертот да ѝ донесе на Албанија најмалку 100 милиони евра.

Одлуката на владата наиде на критики од опозицијата и дел од јавноста, кои го доведуваат во прашање оправданото користење на државни средства за приватен настан.

Рама веќе повеќе од еден месец се соочува и со силни улични протести во Тирана, предизвикани од плановите на Џаред Кушнер, зетот на американскиот претседател Доналд Трамп, да изгради луксузно одморалиште на албанскиот брег. Демонстрантите, покрај противењето на овој проект, протестираат и против други градежни зафати во близина на заштитени подрачја и бараат оставка од Рама поради обвинувањата за корупција.

Концертот на Канје Вест сепак продолжува да биде една од најголемите теми во албанската јавност пред самиот настан.

Поврзани теми:

избор|ЕДИ Рама|албанија|концерт|албански премиер Еди Рама|Канје Вест

Повеќе на оваа тема:

Најнови вести од: Регион

„Политико“: Брисел му нуди на Скопје „добредодојдовте во чекалницата!“, но Муцунски бара „многу понапредна позиција отколку сега“!

„Од Брисел порака: ‘Добредојдовте во чекалната’! Тоа ги вклучува Косово и С.Македонија, обете на распоредот на Урсула фон дер Лаен , заедно со фаворитите Албанија и Црна Гора. По ова предизвикот за Лаен е да ги убеди дека Брисел не создава кандидати за ЕУ втор ред.“ – објави денес европскиот аналитички магазин „Политико“ во својата анализа со наслов „Западниот Балкан надежно ги застапува своите ставови“. Од друга страна, информативната агенција „Нетпрес“ јавува дека „ЕУ нуди ограничен пристап до заедничкиот пазар на земјите-кандидатки, ако се против Русија и Кина“!

Атина и Софија потпишаа Меморандум за враќање на 48 реликвии во Грција и пренесување на останките на цар Самоил во Бугарија

Меморандум за разбирање со кој во Грција се враќаат 48 реликвии од два грчки манастири и од една црква што над 100 години биле изложени во Националниот историски музеј во Софија, а Грција ќе ѝ ги предаде на Бугарија останките на цар Самоил, потпишале денеска министрите за култура на двете земји, Лина Мендони и Евтим Милошев, јави дописничката на МИА од Атина.

Стерјовски на Самитот за мир во Тирана: Нашите идентитети не треба да бидат ѕидови што нè делат, туку мостови што нè поврзуваат“

Претседателот на Македонската алијанса за европска интеграција (МАЕИ), Васил Стерјовски, учествуваше на Меѓународниот самит за мир, што се одржа во Тирана, посветен на темата „За верскиот соживот во Албанија“. Тој истакна дека верскиот соживот претставува една од значајните вредности на албанското општество, која треба да се зачува и да им се пренесе на идните генерации.
Сите вести од Регион

Најнови вести

To top