Катерина Ацевска во фотографијата на денот со сребрениот медал од Светското првенство во Абу Даби, Обединети Арапски Емирати, со кој се надмина себеси и историската бронза за македонското џиу-џицу на мундијалот минатата година во Тајланд.
„Изморена и среќна. Цело лето се подготвував за ова Светско првенство. Задоволна сум од второто место, иако во Тајланд ја имам победено Русинката која остана без медал, а јас се закитив со бронза. Одиме понатаму, за точно еден месец н очекува Балканско првенство. Јас сум двократен балкански шампион, па зашто тоа да не се продолжи со тоа темпо. Мило ми е што целиот овој труд се исплатеше. Ја оправдав довербата на мојот тренер и на мојата федерација. Се надевам дека сите се задоволни од моите настапи. Се борам со цело срце, ќе продолжам така и понатаму. Сите овие настапи и резултати придонесоа да сум прва на Светската ранг-листа, мислам дека во овој момент сум единствен сениор во цела Македонија кој е прв на светска ранг-листа“, изјави таа за „Ипон.мк“.