Горјан Гого Славески извојува уште една победа во Шампионатот во бокс со голи раце (БКФЦ), откако со едногласна одлука на судиите славеше против Џонатан „Бикот“ Тело од Канада во градот Холивуд во Флорида, САД.
„Македонија на грб, победата во негови раце! Гого Славески ја заврши работата“, напиша БКФЦ на својот профил на Икс.
Двајца од судиите гласаа со 47:46 за „гордоста на Македонија“, како што БКФЦ го нарече „македонскиот воин“ познат и по прекарот „храбро срце“, а третиот судија му даде убедлива предност од 48:45, благодарејќи на испраќањето на противникот на подот во два наврата.
За 32-годишниот Славески, поранешен светски шампион во велтер категорија, ова е осма победа во деветтата борба.
PURE VIOLENCE FROM BELL TO BELL 🔔 FIGHT OF THE NIGHT WAS THE ONLY ANSWER 😮💨👊
[ Presented by @BuckedUp ] pic.twitter.com/BSgYjR9NcG
— Bare Knuckle FC (@bareknucklefc) June 5, 2026