Еурофарм Пелистер заврши четврти во првото издание на младинската ракометна Лига на шампионите, но го има најдобриот стрелец Алем Хаџиќ, кој на четири натпревари, по два во квалификациите и на завршниот турнир во Келн, постигна вкупно 40 гола.
Средниот бек од Босна и Херцеговина, кој денеска наполни 18 години, го остави веднаш зад себе Анселмо Коладо Карион од Барселона со 35 гола, а трет е Емил Соренсен од ГОГ Гудме со 31.
На фајналфорот што се одигра вчера и денеска Хаџиќ постигна 4 гола против Гудме и 10 против Барселона, а претходно на квалифиакцискиот турнир во Букурешт му даде 12 гола на домаќинот Динамо и 14 на Кјељце.
Еурофарм Пелистер во полуфиналето во Келн загуби од подоцнежниот шампион Гудме со 36:21, а во мечот за третото место беше поразен од Барселона со 55:28.