Македонскиот боксер Ален Рустемовски не успеа да се пласира во финалето на Европското првенство, откако денес загуби во полуфиналната пресметка од Украинецот Аидер Абдураимов.
Финалистот беше решен по судиска одлука, при што судиите со резултат 4-1 пресудија во корист на Украинецот.
Нашиот млад боксерски ас веќе испиша историја со пласманот меѓу четирите најдобри и освојувањето бронзен медал, но за жал, не успеа да отиде чекор понапред и да се бори за најсјајното одличје.
За Рустемовски ова е најдобар резултат на континенталните собири, што е јасен показател за неговата извонредна форма. Неодамна, македонскиот борец освои бронзен медал и на Медитеранските игри во Таранто.