Свет

Трамп: „Русија ќе помогне. Русија сака Украина да успее“ (ВИДЕО)

Кога го прашаа Трамп дали Русија сака земјата што ја нападна да „успее“, Зеленски ги крена веѓите, ја навали главата и се насмеа

2 минути за читање

Украинскиот претседател Володимир Зеленски беше снимен како реагира на тврдењето на американскиот претседател Доналд Трамп дека Владимир Путин „сака Украина да успее“.

Новинар го праша Трамп дали Русија, како дел од потенцијален мировен договор, може да се обврзе да помогне во обновата на Украина по војната.

„Дали разговаравте за тоа каква одговорност би имала Русија во обновата на Украина како дел од некаков договор“, праша новинарот, осврнувајќи се на неговиот разговор со Путин претходно истиот ден.

„Да. Тие ќе помогнат. Русија ќе помогне. Русија сака Украина да успее. Звучи малку чудно. Путин беше многу дарежлив во своите чувства за успехот на Украина, вклучително и обезбедување енергија, електрична енергија и други работи по многу ниски цени. Значи, многу добри работи произлегоа од тој разговор денес“, одговори Трамп.

Кога го прашаа дали Русија сака земјата што ја нападна да „успее“, Зеленски ги крена веѓите, ја навали главата и се насмеа.

Трамп рече дека разговарал со Путин „околу два и пол часа“, а една од точките на сопнување во разговорите беше нуклеарната централа Запорожје, најголемата таква централа во Европа. Русија ја презеде во 2022 година и моментално е надвор од употреба.

Путин сака да ја задржи контролата врз централата, додека Украина предложи трипартитна администрација во која ќе бидат вклучени Украина, Русија и САД. Завојуваните страни се обвинуваат меѓусебно за напад врз централата за време на војната.

„Путин всушност работи со Украина за да ја врати во функција. Тој беше многу фер во тој поглед. Тој сака да ја види повторно отворена и не испука ракети кон неа  (атомската централа), не испука ништо кон неа“, рече Трамп.

 

Поврзани теми:

Русија|Украина|избор|зеленски|трамп

Повеќе на оваа тема:

Најнови вести од: Свет

Трмп добива златник со неговиот лик

Златната монета од 24 карати е најновиот обид на Трамп и неговите сојузници да го стават името на претседателот на зградите, владините програми и американската валута откако тој го започнува својот втор мандат во Белата куќа во јануари 2025 година.

Ердоган: Со својата апокалиптична агенда Израел нè турка во катастрофа, светот мора да го разбере ова варварство и лудило

Турскиот претседател Реџеп Таип Ердоган изјави дека Израел е предводен од мрежа, која се смета себеси за супериорна во однос на другите и дека постепено и свесно го влече регионот кон целосна катастрофа.

„Досетлива“ српско-хрватска двојка продавала во Унгарија седативи за коњи како дрога!

Легален бизнис со коњи бил користен како прикритие за продажба на ветеринарен лек-седатив за коњи со кетамин на црниот пазар, но како дрога наменета за луѓе. По апсењето на мажот, во шемата се вклучила и неговата сопруга. Обвинителството во Будимпешта поднесе обвиненија и предложи затворска казна против оваа двојка, државјани на Србија и Хрватска. Според обвинението, 41-годишниот маж водел пансион за коњи и се натпреварувал со коњи. Покрај тоа, од 2019 година, тој редовно продавал ветеринарни лекови што го содржат седативнот кетамин во големи количини.

Пленковиќ: Македонија заслужува јасна перспектива за ЕУ

Хрватска ќе продолжи да ја поддржува Македонија на нејзиниот пат кон членството во Европската Унија. Веруваме дека земјата заслужува јасна ЕУ-перспектива, порача хрватскиот премиер Андреј Пленковиќ по синоќешната средба со претседателот на Владата, Христијан Мицкоски, во Брисел. Пленковиќ на својот налог на „Икс“ објави дека со Мицкоски размениле мислења за актуелните глобални случувања. „Мило ми […]
Сите вести од Свет

Најнови вести

To top