Свет

Фицо: Економијата на ЕУ е во катастрофална состојба, ако не сториме ништо, ќе стане музеј под отворено небо!

Економијата на Европската Унија (ЕУ) е во ужасна и катастрофална состојба поради смешни климатски и идеолошки цели, нагласи словачкиот премиер Роберт Фицо додека заминуваше на неформален самит за конкурентност во замокот Алден Бизен во Белгија, објавија словачките медиуми.

1 минута за читање

Лидерите на ЕУ денеска се состануваат на разговори, што ги свика претседателот на Европскиот совет Антонио Кошта, за да влијаат врз насоката на економската политика на блокот во услови на зголемен притисок врз конкурентноста и предизвици за Европската унија, поради стратегиската зависност од критични суровини од трети земји.

„Се упатувам кон Белгија на неформален самит, каде што ќе разговараме што да правиме со економијата на ЕУ, која е во ужасна состојба поради смешни климатски и идеолошки цели. Подобро е да се каже дека е во катастрофална состојба. Ако не направиме ништо оваа година, пред сè со цените на електричната енергија, Европа нема да стане ништо повеќе од културен музеј на отворено за богати кинески туристи.“ – предупреди словачкиот премиер Фицо.

Прашањето за високите цени на електричната енергија беше истакнато и за време на вчерашниот самит на европската индустрија во Антверпен, на кој присуствуваа високи претставници на околу 500 водечки европски компании.

Македонска информативна агенција – МИА

Поврзани теми:

актуелно|Европска унија|премиер на Словачка Роберт Фицо|катастрофална и ужасна ситуација

Повеќе на оваа тема:

Најнови вести од: Свет

Иранска државна телевизија: Мохтаба Хамнеи е ранет од непријателот во војната

Водителите читаа извештаи во кои се нагласува дека тој е ранет од непријателот, но не беа дадени никакви дополнителни детали за природата, времето или тежината на повредата, ниту пак за неговата моментална здравствена состојба.

На 17 години се бореше на фронтот – сега Мојтаба Хаменеи ја води „светата“ војна против Америка (ВИДЕО)

Во време на ескалација на конфликтот меѓу Соединетите Американски Држави, Израел и Иран, вниманието на глобалната јавност е насочено кон новиот врховен водач на Исламската Република Иран, Мојтаба Хаменеи.

Ердоган до Иран: „Не фрлајте сенка врз нашите илјадагодишни братски односи“

Турскиот претседател Реџеп Таип Ердоган денеска, по седницата на владата во Анкара, изјави дека Турција испратила јасно предупредување до Иран откако втора балистичка ракета од иранска територија влегла во турскиот воздушен простор и била пресретната од системите за противвоздушна одбрана на НАТО.

Напад врз централниот дел на Израел: Аларми во подрачјата каде што живее половина од населението

Сирени за воздушна опасност речиси без престан се активираат во централниот дел на Израел поради ракетни напади, јавуваат очевидци. Според првичните информации, ракетниот оган доаѓа од Иран или од движењето Хезболах од Либан, додека во неколку погодени подрачја се забележани столбови чад по ударите.

„Политико“: Расте бунтот против Урсула Лаен, ги изнервира и европските влади, зашто се меша во сѐ и сешто!

„Урсула фон дер Лаен ги изнервира европските влади: си го пречекорила мандатот во иранската криза. Европските влади се иритирани поради, како што велат, потегот на Урсула фон дер Лаен да се позиционира како главен претставник на Европската Унија во странство, и тврдат дека во првите денови од американско-израелската кампања против Иран таа го пречекорила својот мандат.“ – пишува „Политико“.
Сите вести од Свет

Најнови вести

To top