Веќе подолго време, ССАД ја разгледуваат можноста за депортирање на недокументирани мигранти, вклучувајќи осудени криминалци и лица со нерешен имиграциски статус, во различни африкански земји, како дел од проширената агенда за спроведување на имиграциските закони на претседателот Доналд Трамп.
Иако Нигерија првично не беше именувана меѓу дестинациите за депортации, министерот за надворешни работи на Нигерија, Јусуф Тугар, потврди дека САД ѝ пристапиле на Нигерија со предлог за депортирање на недокументирани венецуелски мигранти, некои со криминални досиеја…
„Ќе биде исклучително тешко за земја како Нигерија да прифати венецуелски затвореници. Имаме доволно свои проблеми“, рече нигерискиот министер за надворешни работи Јусуф Тугар, истакнувајќи дека неговата земја има население од повеќе од 230 милиони.
Според два извори запознаени со ова прашање, администрацијата на претседателот Доналд Трамп го покренала прашањето со пет африкански лидери за време на нивната посета на Белата куќа оваа недела. САД предложија африканските земји да прифаќаат мигранти од трети земји кога САД не можат да ги вратат во нивната татковина поради правни или логистички тешкотии.
Меѓу присутните во Белата куќа беа претседателите на Либерија, Сенегал, Гвинеја-Бисао, Мавританија и Габон.
Според „Волстрит џурнал“, во интерен документ на Стејт департментот испратен до африканските влади пред состанокот се повикуваат да се согласат со „достоинствен, безбеден и навремен трансфер“ на државјани на трети земји од територијата на САД.