Свет

Израелски војници уапсени во Белгија по жалба за воени злосторства од групи за човекови права

Двајцата војници приведени на музички фестивал по пријава за (не)дела сторени во Газа

Белгиската федерална полиција во неделата уапси двајца израелски војници кои се соочуваат со обвиненија за воени злосторства во Газа по жалба од две групи за човекови права.

Во соопштението на Фондацијата Хинд Раџаб (HRF) и Глобалната мрежа за правна акција (Glan) се вели дека двајцата биле во земјата за да присуствуваат на музички фестивал и оти судските постапки се во тек.

„Осомничените беа идентификувани и уапсени со јасна демонстрација на сила на фестивалот Tomorrowland во Бум“, соопштија групите.

„Мислиме дека сега ќе видиме домино ефект низ Европа и низ целиот свет“, изјавија оттаму, објаснувајќи дека обвинувањата поднесени против двајцата војници вклучуваат употреба на човечки штитови и безобѕирно уништување.

Доказите се собрани од сопствениот профил на социјалните медиуми на војниците.

„Едниот од нив објави видеа од неговата единица како крева во воздух имоти во Газа и во Либан. Другиот позираше до Палестинец кој неговата единица го користеше како човечки штит“, објаснуваат од групите за човекови права.

По приведувањето, војниците биле сослушани и потоа ослободени.

Апсењата се случија истиот ден кога белгискиот крал Филип ја опиша ситуацијата во Газа како „срам за човештвото“. Во говорот во неделата тој рече дека Белгија ги поддржува повиците на ОН за „итно ставање крај на оваа неподнослива криза“.

Најнови вести од: Свет

Путин и Си Џинпинг разговараа за руско-американски преговори

Рускиот претседател Владимир Путин разговараше со кинескиот лидер Си Џинпинг за последните контакти меѓу Русија и САД, изјави денеска Јуриј Ушаков, помошник на рускиот претседател, на маргините на самитот на Шангајската организација за соработка, што се одржува во кинескиот град Тјенџин.

Портпаролот на Хамас убиен во напад на Израел

На 30 август 2025 година, портпаролот на вооруженото крило на палестинското движење Хамас, Абу Обеида, беше убиен во израелски воздушен напад, според информација од палестински извор објавена од телевизијата „Ал Арабија“

Џинпинг: Време е змејот и слонот да танцуваат заедно

Кинескиот претседател Шји Џинпинг и индискиот премиер Нарендра Моди одржаа средба, прва по враќањето на Доналд Трамп на власт, ветувајќи зајакнување на соработката меѓу двете земји додека се справуваат со економските предизвици од трговската војна на САД.

Градоначалникот на Чикаго: Не сакаме да гледаме тенкови на нашите улици

Градоначалникот на Чикаго, Брендон Џонсон, остро се спротивстави на можноста за распоредување на Националната гарда во градот од страна на федералната влада, откако во саботата потпиша извршна наредба за да се спротивстави на најавената имиграциска репресија.

Русија најавува нова есенска офанзива во Украина

Генерал-полковник Валериј Герасимов, командант на руската армија, објави дека инвазијата во Украина ќе продолжи со нови цели за есенската офанзива, и покрај зголемените апели од Западот за започнување преговори.

To top