Свет

Ќе има ли „судбоносна средба „Трамп-Путин“, кога и каде?

Трамп го споменал Ватикан, но тоа отпаѓа зашто Путин би бил уапсен по барање на Меѓународниот кривичен суд (МКС)

Денес истекува рокот што Доналд Трамп му го постави на Владимир Путин да покаже конкретен напредок кон завршување на војната во Украина, или ќе се соочи со нови, построги економски санкции.
Но, истовремено течат „преговори“ за најавената можна средба на двајцата претседатели што драматично може да го смени развојот на настаните.

Михаил Шеремет, член на Државната дума, изјави за руската државна новинска агенција РИА Новости дека потенцијалната средба меѓу американскиот претседател Доналд Трамп и рускиот претседател Владимир Путин би можела да биде „историска и судбоносна“, вклучително и во однос на завршувањето на војната во Украина и „формирањето нови принципи на светскиот поредок“.

Шеремет додаде дека верува оти средбата би можела „да ја одреди целата меѓународна заедница за многу наредни децении“.

Американскиот претседател Доналд Трамп разговарал со италијанскиот премиер Џорџо Мелони за можноста да се сретне со рускиот претседател Владимир Путин во Рим следната недела, дознава Скај њуз од извор од италијанската влада.

Според истите извори, Трамп и Мелони разговарале вчера, а можната средба меѓу претседателите на САД и Русија во Рим би се одржала во Ватикан.

Руската новинска агенција ТАСС ја исклучи можноста Италија да биде домаќин на разговорите.

Кога беа прашани од Скај њуз, извори од италијанската влада рекоа дека „немаат коментар“.

Ватикан и амбасадата на САД во Рим, исто така, го кажаа истото.

Доколку Италија или Ватикан бидат избрани за домаќини на средбата Трамп-Путин, ќе се постави прашањето за потерницата за рускиот претседател издадена од Меѓународниот кривичен суд (МКС).

Како потписник на Римскиот статут, Италија ќе биде обврзана да го уапси Путин ако слета на италијанска територија. Путин се бара под сомнение за нелегална депортација на деца и нелегален трансфер на луѓе од територијата на Украина во Руската Федерација. МКС ја издаде потерницата во март 2023 година.

Најнови вести од: Свет

Ништо од средба помеѓу Путин и Зеленски

Германскиот канцелар Фридрих Мерц изјави дека директни преговори меѓу Владимир Путин и Володимир Зеленски се малку веројатни, и покрај упорните напори на администрацијата на Доналд Трамп да постигне мировен договор за Украина.

„Децата во Газа се прегладнети што немаат сила ни да плачат“, велат надлежните

„Децата во Газа систематски се изгладуваат. Нивните тела буквално се исцрпуваат од глад и болести. Клиниките на „Спасете ги децата“ се преоптоварени, но пациентите честопати немаат сила ниту да плачат“, наведе Ашинг.

Макрон размислува за санкции против дигиталниот сектор на САД

Францускиот претседател Емануел Макрон ги повика своите министри да размислат за можни одмазднички мерки против дигиталниот сектор на САД, како одговор на заканите на американскиот претседател Доналд Трамп за воведување дополнителни царини поради регулативите и даноците за технологија, според висок функционер во француската влада.

To top