Свет

Макрон: Цивилите и заложниците во Газа се жртва на Нетанјаху

Приоритет на Нетанјаху не е ослободувањето на заложниците, инаку немаше да ја започне најновата офанзива врз Газа или да ги гаѓа преговарачите во Катар

2 минути за читање

 

Францускиот претседател денес остро ја критикуваше владата на израелскиот премиер Бенјамин Нетанјаху за нејзиниот став во врска со војната во Газа.

Макрон предупреди дека дека судбината на цивилите и заложниците не смее да се „остави на оние за кои ослободувањето на заложниците не е приоритет“.

„Првиот приоритет на Нетанјаху не е ослободувањето на заложниците, инаку немаше да ја започне најновата офанзива врз Газа или да ги таргетира преговарачите во Катар“, рече Макрон во интервју за јавниот сервис FRANCE 24.

Макрон нагласи дека „тоталната војна убива цивили, но не го уништува Хамас“ и дека, и покрај повторените израелски напади, палестинската група сè уште има капацитет да се бори.

Тој го повтори повикот на Франција за прекин на огнот во Газа и нагласи дека целта на признавањето на палестинска држава е да се оживее мировниот процес.

Францускиот претседател, исто така, ги повика Соединетите Американски Држави, „единствената земја со конкретни средства за вршење притисок“, да го принудат Израел да го промени курсот, додавајќи дека ако тоа не успее, европските земји ќе мора да размислат за санкции.

Макрон предупреди дека секој израелски потег за анексија на окупираниот Западен Брег би претставувал „црвена линија“ за Франција и додаде дека затворањето на францускиот конзулат во Ерусалим би било „сериозна грешка“.

Поврзани теми:

заложници|цивили Газа|војна|актуелно|Макрон|Нетанјаху

Повеќе на оваа тема:

Најнови вести од: Свет

Илјадници пожарникари во Австралија се борат со најлошите шумски пожари по „Црното лето“ од 2019-2020 година

Во Австралија повеќе од 130 објекти, вклучувајќи куќи, се уништени, а околу 38.000 домови и бизниси останаа без електрична енергија од пожарите, соопштија властите, додавајќи дека ова се најлошите пожари во државата од таканареченото „Црно лето“ од 2019-2020 година, кога шумските пожари уништија област со големина на Турција и убија 33 Австралијанци.

Челникот на швајцарскиот кантон гневен, поради изостанувањето инспекции во барот, во кој загинаа 40 луѓе

Челникот на швајцарскиот кантон каде што 40 млади луѓе загинаа во пожар во бар на новогодишната ноќ го изрази својот гнев поради тоа што локалните власти речиси шест години не извршиле никаков увид во објектот во кој се одигра трагедијата, додека обвинителите ги засилуваат своите напори да ги повикаат одговорните на одговорност. 

„Политико“: „Патриотите за Европа“ се закануваат дека ќе ги кренат во воздух ЕК и Лаен, но ќе им пропадне обидот да им изгласаат недоверба!

Претседателот на групата „Патриоти за Европа“ во Европскиот парламент лидерот на партијата Национално собирање на Франција Џордан Бардела го објави планот за предлог за изгласување недоверба на Урсула Лаен во четврток вечерта на општествената платформа икс. Неговата партија Националното собрание на Франција, се спротивставува на трговскиот договор меѓу ЕУ и јужноамериканскиот блок Меркосур, за кој се залагаше фон дер Лаен. Квалификувано мнозинство од земјите-членки на ЕУ во петокот го одобрија долгоочекуваниот трговски договор, на кој се спротивстави Франција. „Се надевам дека ќе го поднесеме [предлогот за недоверба] на гласање оваа јануарска седница.“ – изјави за „Политико“ висок функционер на групата „Патриоти за Европа“.

Водачот на најбројната бунтовничка група во Колумбија ФАРК повика на „обединување за борба против американска интервенција“

Водачот на најбројната бунтовничка група на Револуционерните вооружени сили на Колумбија (Fuerzas Armadas Revolucionarias de Colombia – FARC), Нестор Грегорио Вера, во видео порака, повика на обединување на сите герилци во оваа латиноамериканска земја со цел „борба против американската интервенција“. „Сенката на интервенционистичкиот орел се надвива подеднакво над сите. Судбината нè повикува да се обединиме. Ние не сме раштркани сили, ние сме следбеници на истата цел. Да го покажеме нашето единство со дела и да создадеме голем блок со кој ќе го истиснеме непријателот од нашата татковина“, им порача Грегорио Вера на членовите на Националната ослободителна армија (ELN) и Боливарската герилска армија, групи кои се отцепија од FARC.

Алис Вајдел, АФД: ЕУ и нејзината диктатура мора да бидат распуштени, Урсула Лаен не може да ја одредува судбината на Европа!

Алис Вајдел, претседателката на десничарската партија Алтернатива за Германија, им се обрати на граѓаните на Германија во видео-порака, во која го најави можното „излегување на Германија од Европската Унија“, ако оваа десничарска партија застане на кормилото на германската држава. Според анкетите спроведени од неколку истражувачки агенции од почетокот на јануари оваа година, германската партија AfD (Алтернатива за Германија) води со неколку процентни поени и е на врвот на германските партии, кои уживаат најголема доверба кај Германците.
Сите вести од Свет

Најнови вести

To top