Рускиот претседател Владимир Путин оствари телефонски разговори со својот ирански колега Масуд Пезешкијан и со израелскиот премиер Бенјамин Нетанјаху за ескалацијата на Блискиот Исток по израелскиот напад врз Иран.
„Претседателот изрази сочувство до раководството и до народот на Исламска Република Иран во врска со бројните човечки жртви, вклучително и цивили, како резултат на израелските напади“, соопшти прес-службата на Кремљ.
Русија „ги осудува постапките на Израел, кои ги кршат Повелбата на ОН и меѓународното право“, нагласи Путин, според соопштението. Во исто време, рускиот лидер изрази подготвеност да посредува и да „продолжи да придонесува за деескалација на конфликтот меѓу Иран и Израел“.
Путин, исто така, ја нагласи важноста од „враќање на преговарачкиот процес и решавање на сите прашања поврзани со иранската нуклеарна програма исклучиво преку политички и дипломатски средства“. Тековната ескалација „е полна со најкатастрофални последици за целиот регион“, предупреди тој.
Израел започна голем напад врз Иран во текот на ноќта, насочен кон нуклеарни објекти и разни воени инсталации. Нападите продолжија и во текот на денот, нанесувајќи значителна материјална штета и жртви врз врвното воено раководство на Иран и, наводно, кај познати нуклеарни научници.