Свет

Смртоносен оброк во Истанбул: Починаа мајка и двете деца, таткото в болница

Во болницата, најпрво починале децата, а кратко по нив и мајката. Турскиот министер за правда, Јилмаз Тунч, соопшти дека четворица улични продавачи се уапсени во рамки на истрагата, меѓу кои лица што продавале школки, сладолед и „кукурек“. Од повеќе локации каде што биле услужени туристите, надлежните органи одзеле примероци од храна за лабораториска анализа.

Тешка трагедија го потресе турско-германското семејство Бочек за време на нивниот одмор во Истанбул. Мајката и нејзините две мали деца – шестгодишниот Кадир Мухамет и тригодишната Масал – ги загубија животите по наводно труење со улична храна во познатиот кварт Ортаќој. Таткото, Сервет Бочек, е хоспитализиран на интензивна нега и сè уште е во критична состојба.

Семејството, кое живеело во Германија, пристигнало во Истанбул на 9 ноември. Според турските медиуми, два дена по пристигнувањето консумирале храна од улични продавачи – полнети школки, супа, традиционален специјалитет „кукурек“ и печен компир. Неколку часа по оброкот, сите членови на семејството почувствувале силно гадење и повраќање. Откако првично биле примени во болница и пуштени, нивната состојба нагло се влошила.

Во болницата, најпрво починале децата, а кратко по нив и мајката. Турскиот министер за правда, Јилмаз Тунч, соопшти дека четворица улични продавачи се уапсени во рамки на истрагата, меѓу кои лица што продавале школки, сладолед и „кукурек“. Од повеќе локации каде што биле услужени туристите, надлежните органи одзеле примероци од храна за лабораториска анализа.

Истрагата се води од јавното обвинителство и здравствените служби, но конечните резултати од анализите сè уште се чекаат. Локалните власти предупредуваат на зголемени ризици од нерегулирани улични продавачи, особено во туристичките предели на Истанбул.

Дополнително, двајца туристи од Италија и Мароко, сместени во ист хотел во Фатих, исто така биле хоспитализирани со симптоми на труење со храна. Овие случаи предизвикаа загриженост кај туристите и институциите за безбедноста на храната во најфреквентните делови на Истанбул.

Најнови вести од: Свет

Речиси половина од Германците се за укинување на помошта за Украина

Дури 49 отсто, сакаат да се намали или целосно да се укине помошта за Украина, покажуваат резултатите од анкетата што денеска ги објави агенцијата за истражување на јавното мислење „Југов“, спроведена за германскиот неделник „Велт ам Зонтаг“

Трамп објави кои му се пријатели!

Истовремено објави две фотографии — на едната се прикажани Јосиф Сталин, Френклин Делано Рузвелт и Винстон Черчил како седат на веранда, а на другата се Путин, Си и Трамп како позираат стоејќи — и пропратен со натписот: „Големите сили — 1945, 2026“

Aмериканските технолошки акции потонаа – најлоша недела од кризата со Kовид-19

Инвеститорите повеќе не предвидуваат целосно зголемување од четвртина поен на состанокот на Федералните резерви во декември, неколку дена откако гувернерот Кристофер Волер шпекулираше дека централната банка би можела да испорача џамбо зголемување од 0,5 процентни поени.

Најнови вести

To top