Свет

Трамп: Европа не е тоа што беше порано, ужасно е тоа што си го прават самите

Според американскиот претседател, кој е во зборовна војна со лидерите на носечките европски земји, пред се, поради ситуацијата со Гренланд, „некои делови од Европа денес се непрепознатливи„. „Ја сакам Европа и сакам таа да оди во вистинската насока, но не оди.“ – посочи Доналд Трамп.

2 минути за читање

Веднаш по пристигнувањето во Давос, американскиот претседател Доналд Трамп одржа говор во Конгресниот центар во кој на почетокот рече дека е „убаво да се држи говор меѓу пријатели, а и меѓу некои непријатели“.

„Јас сум на власт една година, економијата е во подем, нема инфлација, опасните граници се затворени. САД се во средината на најдраматичниот економски пресврт во историјата. Пред една година бевме мртва земја под водство на радикални левичари. Сега сме најмоќната земја. Сето ова е одлична вест. САД се економскиот мотор на планетата. Ако ние паднеме, и вие ќе паднете. Најмногу ме изненади колку малку време беше потребно за сето ова да се случи“, рече Трамп.

Владите мислеа дека растот може да се постигне преку неконтролирана имиграција. Резултатот беше огромен дефицит и најмасовни миграции. Големи делови од светот се уриваат пред нашите очи. Сите експерти предвидоа дека мојот модел ќе доведе до рецесија. Им докажавме на сите дека грешат“, продолжи Трамп.

„Европа не е тоа што беше порано. Можеме да дискутираме за тоа, но всушност нема што да се дискутира“, додаде тој.

„Лидерите воопшто не разбираат што се случува, а оние што разбираат не прават ништо“, додава тој.

„Не сакам никого да навредам“, продолжи Трамп, но додава дека неговите пријатели се враќаат од делови од Европа и велат дека повеќе не ја препознаваат. Тие споменуваат „неконтролирана масовна миграција“ и рекордни буџетски и трговски дефицити.

Трамп во говорот ја нападна Данска, за која кажа дека без нив сите денеска ќе зборуваа германски и јапонски, забележувајќи им дека се неблагодарни

„Многу сме загрижени за Европа. Ужасно е тоа што си го прават самите“, рече Трамп.

„Имам голема почит кон граѓаните на Данска и Гренланд. Но, секоја членка на НАТО мора да може да ја брани својата територија. Ние сме единствената сила, голема сила, што може да го направи тоа. Видовме како Данска падна за шест часа во Втората светска војна. Немаа шанса, но се обидоа. Се боревме да ја спасиме Данска, тоа големо, убаво парче мраз“, вели Трамп. „Без нас денеска сите ќе зборуваа германски и јапонски. После тоа го предадовме Гренланд на Данска, каква грешка, колку се неблагодарни“, додаде тој. (МИА)

Поврзани теми:

актуелно|европа|Доналд Трамп|Давос

Повеќе на оваа тема:

Најнови вести од: Свет

Нов удар на Трамп врз Брисел: се зголемуваат за 25 отсто царините за автомобили и камиони од ЕУ

Американскиот претседател Доналд Трамп најави дека неговата влада ќе ги зголеми царините за автомобили и камиони од Европската Унија на 25 проценти уште од следната недела. Тој го обвини Брисел дека не го почитува претходно договорениот трговски договор. Овој најнов потег би можел да ги заостри уште повеќе трговските односи меѓу Соединетите Американски Држави и ЕУ, особено во автомобилскиот сектор.

Бардела, можниот кандидат за претседателските избори во Франција во 2027, најави отстранување на знамето на ЕУ од Елисејската палата, ако победи!

„Французите поседуваат вековна сила, способна да го разгори нивниот пламен како народ кога сè изгледа дека тој пламен бледнее. Сега реалноста во Франција е горчлива: по десет години макронизам, нашата земја страда од невидено индустриско и земјоделско распаѓање. “ – порачаа Жордан Бардела и Мари Лепен, лидери на партијата Национално собирање на Франција, на вчерашниот митинг одржан во Париз. Инаку, на 30 април, еден ден пред митингот, Жордан Бардела отворено најави отстранување на знамето на ЕУ од претседателската Елисејска палата и од премиерската резиденција Матињон, ако победи на претседателските избори во 2027 година. Во својата изјава Бардела нагласи дека „Елисејската палата не е обична зграда, туку место со силно историско и симболично значење“. Како што рече, „тоа е дом на францускиот народ“ и „токму затоа верува дека таму треба да се истакнува само француското знаме“. Во меѓувреме, на крајот на годинашниов март, неколку градоначалници од редовите на Националното собирање, избрани на општински избори, веќе ги отстранија знамињата на Европската Унија од своите општински сали.

Хаос на аеродромите и на границите на ЕУ, откако се воведе ЕЕС-системот, пропуштени летови, нервозни патници, кои се онесвестуваат, чекајќи со часови!

Воведувањето на системот за влез/излез (EES) предизвикува чекање со часови, пропуштени летови и нервозни патници низ цела Европа. Воведувањето на новиот систем за влез/излез (EES), кој се спроведува во повеќето земји од ЕУ, предизвика сериозни проблеми на аеродромите и граничните премини низ цела Европа.

Индиецот го ископал од гробот и го донел скелетот на починатата сестра во банката, за да може да ја подигне нејзината заштеда! (Видео)

Маж од Источна Индија тврди дека бил принуден да го однесе скелетот на неговата сестра во банка за да ја докаже нејзината смрт откако не успеал да ги повлече нејзините заштеди. Видео од државата Одиша, на кое 52-годишниот Џиту Мунданоси носи скелет во банка, стана вирално и предизвика јавен бес. Тој тврди дека го направил тоа од фрустрација бидејќи не можел да пристапи до парите, бидејќи немал официјален доказ за смрт.
Сите вести од Свет

Најнови вести

To top