Свет

Трамп го спореди ударот врз Иран со оној врз Хирошима и Нагасаки…

Американскиот претседател, Доналд Трамп ги спореди американските напади врз Иран со бомбардирањето на Хирошима и Нагасаки, велејќи: „Ова беше во суштина истото: тоа ја заврши таа војна; ова ја заврши војната,“ објави Гардијан Коментарот на Трамп дојде по извештајот на Пентагон според кој американските напади врз нуклеарните постројки на Иран не ја уништиле туку само […]

2 минути за читање

Американскиот претседател, Доналд Трамп ги спореди американските напади врз Иран со бомбардирањето на Хирошима и Нагасаки, велејќи: „Ова беше во суштина истото: тоа ја заврши таа војна; ова ја заврши војната,“ објави Гардијан

Коментарот на Трамп дојде по извештајот на Пентагон според кој американските напади врз нуклеарните постројки на Иран не ја уништиле туку само за неколку месеци ја забавиле нуклеарната програма на Иран. 

Трамп ги отфрли овие тврдења.

„Не сакам да го користам примерот на Хирошима. Не сакам да го користам примерот на Нагасаки, но во суштина беше истото нешто што ја заврши таа војна“, рече Трамп за време на самитот на НАТО во Холандија.

Со ова се заврши оваа војна. Да не го уништевме тоа, сè уште ќе се боревме“, додаде тој, осврнувајќи се на нападите врз иранските нуклеарни постројки.

Трамп повтори дека американските напади, спорд него, ја вратиле децении назад нуклеарната програма на Иран.

„Не мислам дека некогаш повторно ќе се обидат да го сторат тоа. Поминаа низ пекол. Доста им е.

Последното нешто што сакаат да го направат сега е повторно да збогатат ураниум“, рече тој.

Додаде дека чека извештај од израелските служби за проценката на штетата, за кој верува дека ќе ја потврди неговата тврдење за „целосно уништување“ на целните постројки.

Американската војска фрли нуклеарна бомба врз јапонскиот град Хирошима на 6 август 1945 година, а втора бомба врз Нагасаки три дена подоцна. Тоа беше прв и досега единствен пат во историјата нуклеарно оружје да биде употребено во војна.

Поврзани теми:

Иран|удар|Хирошима|Нагасаки|споредба|топ|трамп

Повеќе на оваа тема:

Најнови вести од: Свет

Нов удар на Трамп врз Брисел: се зголемуваат за 25 отсто царините за автомобили и камиони од ЕУ

Американскиот претседател Доналд Трамп најави дека неговата влада ќе ги зголеми царините за автомобили и камиони од Европската Унија на 25 проценти уште од следната недела. Тој го обвини Брисел дека не го почитува претходно договорениот трговски договор. Овој најнов потег би можел да ги заостри уште повеќе трговските односи меѓу Соединетите Американски Држави и ЕУ, особено во автомобилскиот сектор.

Бардела, можниот кандидат за претседателските избори во Франција во 2027, најави отстранување на знамето на ЕУ од Елисејската палата, ако победи!

„Французите поседуваат вековна сила, способна да го разгори нивниот пламен како народ кога сè изгледа дека тој пламен бледнее. Сега реалноста во Франција е горчлива: по десет години макронизам, нашата земја страда од невидено индустриско и земјоделско распаѓање. “ – порачаа Жордан Бардела и Мари Лепен, лидери на партијата Национално собирање на Франција, на вчерашниот митинг одржан во Париз. Инаку, на 30 април, еден ден пред митингот, Жордан Бардела отворено најави отстранување на знамето на ЕУ од претседателската Елисејска палата и од премиерската резиденција Матињон, ако победи на претседателските избори во 2027 година. Во својата изјава Бардела нагласи дека „Елисејската палата не е обична зграда, туку место со силно историско и симболично значење“. Како што рече, „тоа е дом на францускиот народ“ и „токму затоа верува дека таму треба да се истакнува само француското знаме“. Во меѓувреме, на крајот на годинашниов март, неколку градоначалници од редовите на Националното собирање, избрани на општински избори, веќе ги отстранија знамињата на Европската Унија од своите општински сали.

Хаос на аеродромите и на границите на ЕУ, откако се воведе ЕЕС-системот, пропуштени летови, нервозни патници, кои се онесвестуваат, чекајќи со часови!

Воведувањето на системот за влез/излез (EES) предизвикува чекање со часови, пропуштени летови и нервозни патници низ цела Европа. Воведувањето на новиот систем за влез/излез (EES), кој се спроведува во повеќето земји од ЕУ, предизвика сериозни проблеми на аеродромите и граничните премини низ цела Европа.

Индиецот го ископал од гробот и го донел скелетот на починатата сестра во банката, за да може да ја подигне нејзината заштеда! (Видео)

Маж од Источна Индија тврди дека бил принуден да го однесе скелетот на неговата сестра во банка за да ја докаже нејзината смрт откако не успеал да ги повлече нејзините заштеди. Видео од државата Одиша, на кое 52-годишниот Џиту Мунданоси носи скелет во банка, стана вирално и предизвика јавен бес. Тој тврди дека го направил тоа од фрустрација бидејќи не можел да пристапи до парите, бидејќи немал официјален доказ за смрт.
Сите вести од Свет

Најнови вести

To top