Американскиот претседател Доналд Трамп одобри „неограничено“ ослободување на Унгарија од санкциите на САД за руската нафта откако се сретна со премиерот Виктор Орбан вчера во Белата куќа.
Унгарскиот министер за надворешни работи, Петер Сијарто, го потврди одва на ‘X’.
„САД ѝ одобрија на Унгарија целосно и неограничено ослободување од санкциите за нафта и гас. Благодарни сме за оваа одлука, која ја гарантира енергетската безбедност на Унгарија“, напиша Сијарто.
Трамп беше домаќин на Орбан во Белата куќа, а поголемиот дел од посетата се фокусираше на барањето на Орбан Трамп да ѝ обезбеди на Унгарија ослободување од американските санкции за купување руска нафта.
Унгарија „доби целосно ослободување од санкции“ за руската нафта и гас испорачани во Унгарија од гасоводите „Дружба“ и „Турски тек“, рече Орбан.
„Го замоливме претседателот да ги укине санкциите“, рече Орбан, додавајќи дека Унгарија е „во значително поинаква ситуација од другите европски земји“.
Според функционер на Белата куќа кој зборуваше под услов да остане анонимен, на Унгарија ѝ беше доделено ослободување од една година.
Украинскиот претседател Зеленски оцени дека состанокот во Белата куќа бил целосно во интерес на Орбан и руските компании.