Американскиот претседател Доналд Трамп денес вети дека ќе ги исели бездомниците од главниот град и ќе ги затвори криминалците.
„Бездомниците мора да се иселат, СЕГА. Ќе ве сместиме, но ДАЛЕКУ од главниот град. Криминалци, не мора да се иселувате. Ќе ве ставиме во затвор, каде што ви е местото“, објави Трамп на платформата Truth Social.
Белата куќа одби да објасни какво законско овластување ќе го употреби Трамп за да ги исели луѓето од Вашингтон. Претседателот контролира само земјиште и згради во градот во федерална сопственост.
Според „Community Partnership“, организација која работи на намалување на бездомништвото во Вашингтон, градт со околу 700.000 жители 3.782 луѓе се бездомници.