Претседателот на Соединетите Американски Држави, Доналд Трамп, денеска изјави дека ќе се залага за воведување смртна казна за секое убиство во Вашингтон, иако таа е укината во 1981 година.
Ако некој убие некого во главниот град, Вашингтон, ќе бараме смртна казна. А тоа е силно средство за одвраќање, рече Трамп за време на состанокот на својот кабинет во Белата куќа.
Неговата администрација има овластување да бара смртна казна за убиства на федерално ниво, но не и за случаи што спаѓаат под локална надлежност.
Трамп е познат по својата поддршка за смртната казна и се верува дека би можел да иницира промени во постоечките закони во Вашингтон, кој има посебен статус, а неговите работи се под надзор на Конгресот.
Во 1992 година, Конгресот организира референдум за повторно воведување на смртната казна во Вашингтон по убиството на еден негов помошник, но предлогот беше одбиен од две третини од гласачите во тој дом.
На почетокот на својот втор мандат, Трамп потпиша извршна наредба со која се повикува на зголемена примена на смртната казна за најтешки кривични дела и ги задолжи сојузните обвинители почесто да бараат такви обвиненија.
Смртната казна е укината во 23 сојузни држави во САД, додека три држави имаат воведено мораториум на нејзината примена.
Три сојузни држави – Аризона, Охајо и Тенеси – привремено ја суспендираа смртната казна, но изразија намера повторно да ја активираат