Свет

Трамп не е сигурен дека санкциите ќе го спречат Путин

Трамп остро го критикуваше „одвратното“ однесување на Русија кон Украина

Трамп во четврток ја заостри својата закана за воведување санкции врз Русија поради војнаta во Украина, но призна дека оружјето за кое некогаш тврдеше дека делува на сите – заканата од финансиска пропаст – можеби нема да има ефект врз претседателот Владимир Путин.

Американскиот претседател Доналд Трамп остро го критикуваше „одвратното“ однесување на Русија против Украина и рече дека планира да воведе санкции врз Москва доколку не може да се постигне договор.

Трамп, на средба со новинарите во Овалната соба, рече дека не е сигурен дали санкциите ќе ја одвратат Русија, пренесе Ројтерс

Тој му даде рок на рускиот претседател Владимир Путин до 8 август да склучи договор или во спротивно ќе одговори со економски притисок.

„Ќе воведеме санкции“, рече тој, иако рокот што ѝ го даде на Москва оваа недела сериозно да се вклучи во прекинот на огнот сè уште не е истечен.

„ Мислам дека е одвратно она што го прават“, рече тој, очигледно мислејќи на нејзиното континуирано бомбардирање на Украина, пренесе  Њујорк Тајмс.

Коментарите на Трамп дојдоа откако државниот секретар Марко Рубио призна во интервју за радио „Фокс њуз“ дека администрацијата одржала тајни разговори со Русија оваа недела – „не со Путин, туку со некои од врвните луѓе на Путин“ – и дека не постигнала никаков напредок во прекинот на огнот.

Трамп рече дека повторно го испраќа својот специјален претставник, Стив Виткоф, во Русија, но последната посета што Виткоф, колега инвеститор во недвижности, му ја направи на Путин се покажа како неплодна.

Русија разви имунитет на санкции, реагираше Кремљ откако Трамп го скрати рокот за прекин на огнот…

 

 

Најнови вести од: Свет

Ништо од средба помеѓу Путин и Зеленски

Германскиот канцелар Фридрих Мерц изјави дека директни преговори меѓу Владимир Путин и Володимир Зеленски се малку веројатни, и покрај упорните напори на администрацијата на Доналд Трамп да постигне мировен договор за Украина.

„Децата во Газа се прегладнети што немаат сила ни да плачат“, велат надлежните

„Децата во Газа систематски се изгладуваат. Нивните тела буквално се исцрпуваат од глад и болести. Клиниките на „Спасете ги децата“ се преоптоварени, но пациентите честопати немаат сила ниту да плачат“, наведе Ашинг.

Макрон размислува за санкции против дигиталниот сектор на САД

Францускиот претседател Емануел Макрон ги повика своите министри да размислат за можни одмазднички мерки против дигиталниот сектор на САД, како одговор на заканите на американскиот претседател Доналд Трамп за воведување дополнителни царини поради регулативите и даноците за технологија, според висок функционер во француската влада.

To top