Американскиот претседател Доналд Трамп ги прими ерменскиот премиер Никол Пашинјан и азербејџанскиот претседател Илхам Алиев во Белата куќа, каде што потпишаа историски мировен договор.
Азербејџан и Ерменија се обврзуваат на траен прекин на непријателствата, рече Трамп.
„Кој друг освен Трамп заслужува Нобелова награда за мир“, рече денес Илхам Алиев.
„Јас не влегувам во политика за Нобеловата награда за мир“, скромно одговори Доналд Трамп.
Инаку, со договорот се решава главниот спор меѓу двете земји во моментов – создавање стратешки транзитен коридор низ Јужен Кавказ …
Коридорот Зангезур е долг 45 км. Ерменија ќе ги пренесе ексклузивните права за неговиот развој на САД за 99 години…
Автопатска и железничка врска, а можеби и други врски, треба да поминуваат низ коридорот.
САД ќе одредат кои американски компании ќе управуваат со транзитниот коридор.
Инаку, последната поддршка за амбициите на Трамп да го следи претседателот Обама во добивањето на Нобеловата награда стана начин земјите да му се додворат, иако тој досега не успеа да ги реши големите конфликти во Газа и Украина.
По најавата на Нетанјаху за номинација на американскиот претседател, следеа најави и номинации од Пакистан, Камбоџа, од републикански конгресмен за престижната награда за мир за Трамп…