Свет

Трамп објави видео генерирано со ВИ за наводен напад врз стратешки ирански остров (ВИДЕО)

САД всушност ги нападнаа иранските ракетни лансери на островот Ларак, а Иран возварти со напади врз американските воени бази во Јордан

Иранскиот остров Харг, што претставува енергетски центар на Исламската Република, е „разбиен на парчиња“, соопшти американскиот претседател Доналд Трамп во објава на социјалните мрежи, проследена со видео-снимка создадена со помош на вештачка интелигенција.

„Снимката“, покажува напад „снимен“ од американски авион…

Иранскиот остров Харг, што претставува енергетски центар на Исламската Република, е „разбиен на парчиња“, соопшти американскиот претседател Доналд Трамп во објава на социјалните мрежи, проследена со видео-снимка создадена со помош на вештачка интелигенција.

Но, Трамп не достави докази дека островот всушност бил нападнат, а нема ни официјална потврда за таков напад ниту од Белата куќа, ниту од Министерството за одбрана на САД, ниту од иранските власти.

Ројтерс објави дека го анализирал видеото објавено од Трамп со специјализиран софтвер за препознавање содржина генерирана од вештачка интелигенција.

Анализата покажа дека снимката од драматичните експлозии најверојатно е вештачки генерирана.

Евентуален вистински напад врз Харг би имал сериозни последици за иранската економија. Пред почетокот на сегашниот конфликт, островот обработувал околу 90% од извозот на нафта на Иран и е едно од најважните места во енергетската инфраструктура на земјата.

Харг се наоѓа во Персискиот Залив, на околу 25 километри од иранскиот брег. Островот е дом на големи терминали, резервоари и објекти за товарење нафта на танкери, поради што е од стратешко значење за извозот на сурова нафта од Иран.

Објавата на Трамп доаѓа во услови на остра ескалација на воените тензии во регионот на Ормутскиот теснец.

САД ги нападнаа иранските ракетни лансери на островот Ларак, кој се наоѓа веднаш до Ормутскиот теснец.

Иранската револуционерна гарда го потврди нападот и соопшти дека нејзини членови и цивили се убиени и ранети. Точниот број на жртви не беше наведен.

Гардијата изјави дека нападот ќе доведе до „казнување на агресорите“, најавувајќи одговор на акцијата на САД.
Потоа Иран возврати со ракетен и беспилотен напад врз американските воени бази во Јордан, објави Си-Ен-Ен.

 

Најнови вести од: Свет

Трамп објави кои му се пријатели!

Истовремено објави две фотографии — на едната се прикажани Јосиф Сталин, Френклин Делано Рузвелт и Винстон Черчил како седат на веранда, а на другата се Путин, Си и Трамп како позираат стоејќи — и пропратен со натписот: „Големите сили — 1945, 2026“

Aмериканските технолошки акции потонаа – најлоша недела од кризата со Kовид-19

Инвеститорите повеќе не предвидуваат целосно зголемување од четвртина поен на состанокот на Федералните резерви во декември, неколку дена откако гувернерот Кристофер Волер шпекулираше дека централната банка би можела да испорача џамбо зголемување од 0,5 процентни поени.

Трамп: Путин по грешка испрати „неколку мали ракети“ во Полска

Трамп изјави дека „не може ништо да стори“ во врска со фактот што полскиот премиер Доналд Туск неодамна јавно изрази револт поради пријателскиот однос на американскиот претседател кон рускиот претседател

To top