Трамп сака заедничка средба со Зеленски и Путин идниот петок

Американскиот претседател Доналд Трамп очекува да одржи трилатерален самит со Русија и Украина на 22 август пренесуваат медиуми повикувајќи се напорталот Аxios!?

За време на телефонскиот разговор со неговиот украински колега Володимир Зеленски и европските лидери по средбата со рускиот претседател Владимир Путин во Алјаска, Трамп ја објави својата намера да „организира трилатерален самит со двајцата претседатели уште следниот петок“, на 22 август.

Во исто време, според порталот Axios, „голем пробив по таков состанок изгледа малку веројатен“.

„Њујорк тајмс“ претходно објави, повикувајќи се на извори, дека по средбата со Путин во Алјаска, Трамп им понудил на европските лидери мировен план што би вклучувал отстапување на целиот Донбас од страна на Украина на Русија, вклучувајќи ги и областите што сè уште не се ослободени од руските трупи.

Според изворите на весникот, американскиот претседател верува дека мировен договор може брзо да се постигне ако Зеленски се согласи да го предаде остатокот од Донбас на Руската Федерација.

За возврат, се тврди, ќе има прекин на огнот по сегашните линии на контакт и безбедносни гаранции и за Киев и за Европа.

Како што објавува Ројтерс, повикувајќи се на извори, Зеленски „изјавил дека тоа е невозможно“ и „го отфрлил барањето“.

Трамп ја опиша средбата со Путин како продуктивна. Потоа, Трамп рече дека би било подобро веднаш да се премине на склучување мировен договор отколку да се воспостави прекин на огнот, кој „честопати не се почитува“.

Средбата меѓу Трамп и Зеленски е закажана за утре 18 август во Белата куќа. Како што истакна американскиот лидер, доколку биде успешна, ќе биде планирана нова средба со Путин.

Зеленски не го дава истокот на Украина