Свет

Трамп сам решил да не го нападне Иран

„Никој не ме убеди. Јас се убедив себеси“, рече американскиот претседател, откако иранските власти се откажале од намерата да обесат 800 луѓе

1 минута за читање

Американскиот претседател Доналд Трамп изјави дека одлучил да не го бомбардира Иран.

„Никој не ме убеди. Јас се убедив себеси“, рече американскиот претседател, откако иранските власти се откажале од намерата да обесат 800 демонстранти.

„Тие (иранските власти – н.з..) вчера ќе обесеа над 800 луѓе и имам големо почитување за фактот што го откажаа тоа“, додаде тој.

Се очекуваше САД да го нападнат Иран ноќта во четвртокот кон петокот.

Во изминатите неколку дена, Трамп ги охрабруваше демонстрантите дека „помошта е на пат“.

Запрашан дали барањето за помош е сè уште релевантно, Трамп рече: „Ќе видиме“.

Изворите на „Блумберг“ наведуваат дека претседателот претходно разговарал со израелскиот премиер Бенјамин Нетанјаху, кој побарал одложување на акцијата за да му се даде на Израел време за подготовка во случај на иранска одмазда.

Според израелски претставници, САД сè уште го задржуваат планот за напад врз безбедносни цели во Иран, иако операцијата моментално е замрзната. Американските функционери предупредуваат дека интервенцијата и понатаму останува „на маса“ доколку Иран продолжи со насилства врз демонстрантите.

Поврзани теми:

800 за бесење|избор|трамп|напад|Иран

Повеќе на оваа тема:

Најнови вести од: Свет

Цената на нафтата оди на горе, но што се случува со златото на берза?!

Златото и среброто не донесуваат камата ниту принос, за разлика од обврзниците или штедењето. Затоа, кога каматните стапки растат или остануваат високи, инвеститорите се свртуваат кон инструменти што генерираат принос, а побарувачката за скапоцени метали се намалува. Со други зборови, повисоките приноси од обврзници го зголемуваат „трошокот за држење“ на златото. Друг важен фактор е зајакнувањето на американскиот долар.

„Ќе зборувавте француски да не бевме ние“: Кралот Чарлс врати на шегата на Трамп

Британскиот крал Чарлс III го искористи својот говор на државната вечера во Белата куќа во вторникот за да му „врати“ на американскиот претседател Доналд Трамп, кој во јануари им рече на европските лидери дека без помошта на САД во Втората светска војна сега ќе зборувале – германски

По поразот на изборите: Орбан ја нуди оставката од челото на Фидес

Унгарскиот премиер во заминување, Виктор Орбан, во вторник понуди оставка од функцијата претседател на неговата десничарска партија Фидес, а конечната одлука ќе ја донесе партискиот конгрес во јуни.
Сите вести од Свет

Најнови вести

To top