Најмалку 24 лица го изгубија животот, а десетици се водат како исчезнати, во ненадејните поплави што погодија делови од централен Тексас во неделата.
Исчезнувањето на околу 25 девојчиња кои беа во летен камп го потврди заменик-гувернерот Ден Патрик.
Досега се спасени повеќе од 237 лица.
„Во рок од 45 минути, реката Гвадалупе се искачи 26 стапки (8 метри) што предизвика катастрофална поплава – однесе имот и, за жал, животи“, рече Патрик на прес-конференција во петокот.
Тој прочита изјава од кампот Мистик, каде престојуваа околу 700 деца, во која се вели дека имало „катастрофални“ поплави а родителите се известени дека ако не се контактирани од властите, нивното дете се смета за безбедно.
„Тоа не значи дека децата се изгубени. Тие може да бидат надвор од домет на комуникација“, додаде заменик-гувернерот.
Властите ги повикаа граѓаните да не рискираат и да не се обидуваат да возат низ поплавените улици.
Се огласи и претседателот Доналд Трамп кој изјави дека тоа што се случило е „Стравично“
🚨 BREAKING: MULTIPLE DEAD IN CATASTROPHIC TEXAS FLOODING: EVACUATIONS UNDERWAY
The Guadalupe River has now reached its 2nd highest flood stage ever, unleashing a deadly wave overnight and swallowing entire towns in Central Texas.
Kerr County officials are calling it… pic.twitter.com/vcP4vOMZDJ
— HustleBitch (@HustleBitch_) July 4, 2025